Kauśikasūtrakeśavapaddhati

The Digital Corpus of Sanskrit (DCS), Oliver Hellwig

pākatantram ājyabhāgāntaṃ kṛtvā purastād agneḥ pratīcīṃ gāṃ dhārayitvā paścād agneḥ prāṅmukha upaviśya kartā śāntyudakaṃ karoti vaśāyā anvārabdhāyai kāṣṭhena tṛṇena vā ya ātmadā iti sūktaṃ śāntyudake 'nuyojayet mātalyantena śāntyudakenācāmayati ca samprokṣati ca vaśām kartordh…

Provenance ledger

3 entries

Canonsutratextual
AttributionThe Digital Corpus of Sanskrit (DCS), Oliver Hellwigtextual
SourceUpstream TEI document · san · Latnpublished primary

IIText

san

pākatantram ājyabhāgāntaṃ kṛtvā purastād agneḥ pratīcīṃ gāṃ dhārayitvā paścād agneḥ prāṅmukha upaviśya kartā śāntyudakaṃ karoti vaśāyā anvārabdhāyai kāṣṭhena tṛṇena vā ya ātmadā iti sūktaṃ śāntyudake 'nuyojayet mātalyantena śāntyudakenācāmayati ca samprokṣati ca vaśām kartordhvasthitaḥ vāstoṣpatyādicaturgaṇīmahāśāntim uccair abhinigadati vaśām abhimukhasthitaḥ kartā ya īśe paśupatiḥ iti sūktenājyaṃ hutvā tato vaśāyāḥ śirasi anakti kakude skandhe jaghanadeśe churikāyāṃ paścādanakti dakṣiṇe pārśve darbhābhyāṃ dvābhyām adhikṣipati prajāpataye tvādhikṣipāmi ityanena mantreṇa niḥsālām iti sūktenolmukena triḥ pradakṣiṇaṃ paribhrāmayitvā paśuṃ madhye kṛtvātmānaṃ hi dvābhyāṃ darbhābhyāṃ vaśāmanvālabhya paścād uttarato 'gner vaśāṃ nītvā tata ekaṃ darbhaṃ sam asyai iti mantreṇa bhūmau kṛtvā tata upari vaśāṃ pātayati pratyakśīrṣīm udakpādīṃ nividhyati tataḥ samidhādhvaryur vaśāmukhaṃ nirodhayati nirucchvāsaṃ karoti mārayati prajānantaḥ ityṛcā dakṣiṇatas tiṣṭhan rakṣohaṇam anuvākaṃ japati yad vaśā māyum ityṛcā kalpajayājyaṃ juhoti saṃjñaptāyām tataḥ patny udapātraṃ gṛhītvā paśusamīpaṃ gacchati tataḥ paśormukhādīni gātrāṇi prakṣālayati mukhaṃ śundhasva devayajyāyā iti mantraṃ kartā brūyāt prāṇān śundhasva devayajyāyā iti prāṇān nāsike śundhasveti nāsike cakṣuṣī śundhasveti cakṣuṣī śrotraṃ śundhasveti śrotram karṇau śundhasveti karṇau yat te krūraṃ yadāsthitam iti samantaṃ rajjudhānam caritrāṇīti mantreṇa pādān samāharati nābhiṃ śundhasva devayajyāyā iti nābhim meḍhraṃ śundhasveti meḍhram pāyuṃ śundhasveti pāyum pratimantraṃ gātraprakṣālanam śeṣamudakaṃ pārśvadeśe nikṣipya yat te krūraṃ yadāsthitaṃ tacchundhasveti mantreṇa tato patnī yathārthaṃ vrajati tato vapāśrapaṇyāvājyaṃ sruvaṃ svadhitiṃ darbham ādāya paśusthāne gacchati parivartmānulomaṃ tato nābhideśe darbham āstṛṇāti oṣadhe trāyasvainam iti churikāṃ prayacchati idam ahaṃ mahumadasya bhūtikarṇaputrasyety anena mantreṇa darbhasahitaṃ nābhideśaṃ chinatti idam aham iti mantreṇāvaradarbhakhaṇḍaṃ lohitaliptam āsyasthāne 'pahanti nikhanatītyarthaḥ vapayā dyāvāpṛthivī ityanena vapāśrapaṇyau vapayā pracchādya svadhitinā prakṛtyotkṛtya tataś chedanasthānaṃ ghṛtenābhighārya śāntavṛkṣamayāv ekaikaśṛṅgā dvitīyā dviśṛṅgā

Cite this

Notice an error, a missing source, or a date that should be revised? Suggest a correction. Every amendment enters the scholar moderation queue with the contributor cited.

URN · urn:vamshanidhi:scripture:01KTP5SGRSDB6HY936NXEQVA9D