Dhanvantarinighaṇṭu

guḍūcyamṛtavallī ca chinnā chinnaruhāmṛtā chinnodbhavāmṛtalatā dhārā vatsādanī smṛtā saivoktā somavallī ca kuṇḍalī cakralakṣaṇā proktā nāgakumārī ca chinnāṅgī jvaranāśinī jīvantī madhuparṇī ca tantrikā devanirmitā vayaḥsthā maṇḍalī saumyā viśalyāmṛtasambhavā rasāyanī mṛttikā c…

1. AttributionThe Digital Corpus of Sanskrit (DCS), Oliver Hellwigtextual
2. SourceUpstream TEI document · san · Latnpublished primary

guḍūcyamṛtavallī ca chinnā chinnaruhāmṛtā chinnodbhavāmṛtalatā dhārā vatsādanī smṛtā saivoktā somavallī ca kuṇḍalī cakralakṣaṇā proktā nāgakumārī ca chinnāṅgī jvaranāśinī jīvantī madhuparṇī ca tantrikā devanirmitā vayaḥsthā maṇḍalī saumyā viśalyāmṛtasambhavā rasāyanī mṛttikā ca candrahāsā bhiṣagjitā anyā kandodbhavā kandāmṛtakandaguḍūcikā piṇḍāmṛtā bahucchinnā sā coktā kandarohiṇī guḍūcī svarase tiktā kaṣāyoṣṇā gurustathā tridoṣajanturaktārśaḥkuṣṭhajvaraharā parā guḍūcyāyuṣpradā medhyā tiktā saṃgrāhiṇī balā jvaratṛṭpāṇḍuvātāsṛkchardimehatridoṣajit guḍūcī kaphavātaghnī pittamedoviśoṣiṇī raktavātapraśamanī kaṇḍūvisarpanāśinī kandodbhavā guḍūcī ca kaṭūṣṇā saṃnipātahā viṣaghnī jvarabhūtaghnī valīpalitanāśinī ativiṣā śuklakandā jñeyā viśvā ca bhaṅgurā śyāmakandā prativiṣā śṛṅgī copaviṣā viṣā ārdrā śvetā virūpā ca viṣadā pittavallabhā ghuṇapriyātisāraghnī bālānāṃ roganāśinī kaṭūṣṇātiviṣā tiktā kaphapittajvarāpahā āmātīsārakāsaghnī viṣacchardivināśinī mūrvā madhurasā devī pṛthakparṇī triparṇyapi devaśreṇī svādurasā snigdhaparṇī ca moraṭā mūrvā svādurasā coṣṇā hṛdrogakaphavātajit kuṣṭhakaṇḍūvamīmehaviṣamajvaranāśinī moraṭaḥ kīrṇapuṣpaśca pīlupuṣpo madhusravaḥ tejanī dīrghamūlā ca puruṣaḥ kṣīramoraṭaḥ jvaraghno mukhavairasyatṛṣṇādāhavināśanaḥ kaphapittaharaścāsau vijñeyaḥ kṣīramoraṭaḥ mañjiṣṭhā kālameṣī ca samaṅgā vikasāruṇā mañjukā raktayaṣṭī ca bhāṇḍī yojanavallyapi kṣetriṇī vijayā raktā raktāṅgī vastrabhūṣaṇā jiṅgī bhaṇḍī tathā kālā gaṇḍālī kālameṣikā mañjiṣṭhā madhurā svāde kaṣāyoṣṇā gurustathā kaphogravraṇamehāsraviṣanetrāmayāñ jayet dhanvayāso durālambhā tāmramūlī ca kacchurā durālabhā ca duḥsparśā yāso dhanvayavāsakaḥ durālambhā svāduśītā tiktā dāhavināśinī viṣamajvaratṛṭchardimehamohavināśinī yāso yavāsako 'nanto bālapattro 'dhikaṇṭakaḥ dūramūlaḥ samudrānto dīrghamūlo marūdbhavaḥ yavāsakaḥ svādutikto jvaratṛḍraktapittanut vāsakaḥ siṃhaparṇī ca vṛṣo vāsātha siṃhikā āṭarūṣaḥ siṃhamukho bhiṣaṅmātāṭarūṣakaḥ āṭarūṣo himastiktaḥ pittaśleṣmāsrakāsajit kṣayahṛcchardikuṣṭhaghno jvaratṛṣṇāvināśanaḥ khadiro raktasāraśca gāyatrī dantadhāvanaḥ kaṇṭakī bālapattraśca jihmaśalyaḥ kṣatakṣamaḥ khadiraḥ syādrase tikto himaḥ pittakaphāsranut kuṣṭhāmakāsrakaṇḍūtikṛmidoṣaharaḥ smṛtaḥ khadiraḥ śvetasāro'nyaḥ somavalkaḥ pathidrumaḥ śyāmasāro nemivṛkṣaḥ kārmukaḥ kubjakaṇṭakaḥ śvetastu khadiras tiktaḥ śītaḥ pittakaphāpahaḥ raktadoṣaharaścaiva kaṇḍūkuṣṭhavināśanaḥ nimbo niyamano netā picumandaḥ sutiktakaḥ ariṣṭaḥ sarvatobhadraḥ prabhadraḥ pāribhadrakaḥ nimbastiktarasaḥ śīto laghuḥ śleṣmāsrapittanut kuṣṭhakaṇḍūvraṇān hanti lepāhārādiśīlitaḥ apakvaṃ pācayecchophaṃ vraṇaṃ pakvaṃ viśodhayet mahānimbaḥ smṛto drekī kārmuko viṣamuṣṭikaḥ keśamuṣṭirnimbavaro ramyako 'kṣība eva ca kaiḍaryaḥ picumandaśca nimbo'riṣṭo varatvacaḥ chardighno hiṅguniryāsaḥ priyaśālaśca pārvataḥ mahānimbo rase tiktaḥ śītaḥ pittakaphāpahaḥ kuṣṭharaktavināśī ca visūcīṃ hanti śīlitaḥ kirātatiktako haimaḥ kāṇḍatiktaḥ kirātakaḥ bhūnimbo 'nāryatiktaśca kirāto rāmasenakaḥ nepālaḥ kathitaścānyo jātibhedo jvarāntakaḥ mahātiktaśca tiktaśca nidrāriḥ saṃnipātahā kirātako rase tikto 'nuṣṇaśīto laghustathā śleṣmapittāsraśophārtikāsatṛṣṇājvarāpahā kaṭukā matsyaśakalā matsyapittā ca rohiṇī kṛṣṇabhedā kāṇḍaruhā nāmnā kaṭukarohiṇī aśokarohiṇī tiktā cakrāṅkī śakulādanī kaṭurohiṇyariṣṭā ca proktā tiktakarohiṇī āmaghnī śataparvā ca viprāṅgī jananī janā kaṭukā pittajittiktā kaṭuḥ śītāsradāhajit balāsārocakān hanti viṣamajvaranāśinī mustā cāmbudharo megho ghano rājakaserukaḥ bhadramusto varāho'bdo gāṅgeyaḥ kuruvindakaḥ jīmūto'tha vṛṣadhvāṅkṣī jalado'tha balāhakaḥ nādeyaḥ piṇḍamusto'nyo nāgaraḥ parikīrtitaḥ mustā tiktakaṣāyātiśiśirā śleṣmaraktajit pittajvarātisāraghnī tṛṣṇākṛmivināśinī jalamustaṃ dāśapuraṃ vāneyaṃ paripelavam kaivartamustaṃ śaivālaṃ jalajaṃ ca śukāhvayam jalajaṃ tiktakaṭukaṃ kaṣāyaṃ kāntidaṃ himam medhyaṃ vātāndhyavīsarpakaṇḍūkuṣṭhaviṣāpaham parpaṭaḥ syātparpaṭako varatiktaḥ sutiktakaḥ rajo reṇuśca pāṃśuśca kavaco varmakaṇṭakaḥ parpaṭaḥ śītalastiktaḥ pittaśleṣmajvarāpahaḥ raktadāhāruciglānimadabhramavināśanaḥ bālakaṃ vāri toyaṃ ca hrīveraṃ jalamambu ca keśyaṃ vajramudīcyaṃ ca piṅgamācamanaṃ kacam bālakaṃ śītalaṃ tiktaṃ pittaśleṣmavisarpajit jvarakuṣṭhātisāraghnaṃ keśyaṃ śvitravraṇāpanut paṭolaḥ kulakaḥ proktaḥ pāṇḍukaḥ karkaśacchadaḥ rājīphalaḥ pāṇḍuphalo rājanāmāmṛtāphalaḥ vīryagarbhapratānaśca kuṣṭhahā kāsamuktidaḥ paṭolaṃ kaṭukaṃ tiktamuṣṇaṃ pittavirodhi ca kaphāsṛkkaṇḍukuṣṭhāni jvaradāhau ca nāśayet paṭolī syāddvitīyānyā svādupattraphalā ca sā paṭolasya tu paryāyairyojayedbhiṣaguttamaḥ paṭolapatraṃ pittaghnaṃ vallī cāsya kaphāpahā phalaṃ tridoṣaśamanaṃ mūlaṃ cāsya virecanam haridrā pītikā piṅgā rajanī rañjinī niśā gaurī varṇavatī pītā haritā varavarṇinī haladikā bhadralatā jñeyā varṇavilāsinī viṣaghnī ca jayantī ca dīrgharaṅgā tu raṅgiṇī haridrā svarase tiktā rūkṣoṣṇā viṣamehanut kaṇḍūkuṣṭhavraṇān hanti dehavarṇavidhāyinī viśodhanī kṛmiharā pīnasārucināśinī anyā dāruharidrā ca pītadruḥ pītacandanam nirdiṣṭā kāṣṭharajanī sā ca kāleyakā smṛtā kālīyakaṃ dāruniśā dārvī pītāhvapītakā kaṭaṃkaṭerī parjanyā pītadāru pacampacā hemavarṇavatī pītā hemakāntā kusumbhakā tiktā dāruharidrā syād rūkṣoṣṇā vraṇamehajit karṇanetramukhodbhūtāṃ rujaṃ kaṇḍūṃ ca nāśayet śaṭī śaṭhī palāśā ca jñeyā pṛthupalāśikā sugandhamūlā gandhālī ṣaḍgranthā suvratā vadhūḥ candrāṇī candragandhā ca durvidheyeti saṃjñitā śaṭī syāttiktatīkṣṇoṣṇā saṃnipātajvarāpahā kaphogravraṇakāsaghnī vaktraśuddhividhāyinī anyā gandhapalāśī ca sthūlakā tiktakandakā tāpasī jvalanī caiva haridrāpattrakandakā kāsaśvāsaharā hidhmājvaraśūlānilāpahā śaṭī svaryā gandhamūlā kaṣāyakaṭukā sarā mūlaṃ puṣkaramūlaṃ ca pauṣkaraṃ puṣkarāhvayam kāśmīraṃ puṣkarajaṭā dhīraṃ tat padmapattrakam tiktaṃ puṣkaramūlaṃ tu kaṭūṣṇaṃ kaphavātajit jvarārocakakāsaghnaṃ śophādhmānavināśanam śvāsaṃ hikkāṃ jayatyeva sevyamānaṃ śanaiḥ śanaiḥ bhārṅgī gardabhaśākaṃ ca padmā brāhmaṇayaṣṭikā aṅgāravallī phañjī ca saiva brahmasuvarcalā śakramātā ca kāsaghnī bhṛṅgajā bhārgavā matā bhārṅgī syātsvarase tiktā coṣṇā śvāsakaphāpahā gulmajvarāsṛgvātaghnī yakṣmāṇaṃ hanti pīnasam pāṭhāmbaṣṭhāmbaṣṭhakī ca prācīnā pāpacelikā varatiktā bṛhattiktā pāṭhikā sthāpanī vṛkī mālatī ca varā devī trivṛtānyā śubhā matā pāṭhā tiktarasā vṛṣyā viṣaghnī kuṣṭhakaṇḍunut chardihṛdrogajvarajit tridoṣaśamanī parā pāṭhātisāraśūlaghnī kaphapittajvarāpahā śvāsāriḥ padmatīrthaṃ ca padmaṃ puṣparasāgamam vṛkṣarohaṃ śūlaharaṃ samūlaṃ sukhasambhavam kaṭphalaḥ somavalkaśca śrīparṇī kumudā tathā mahākumbhā ca kumbhīkā bhadrā bhadravatīti ca kaṭphalaḥ kaphavātaghno gulmamehāgnimāndyajit ruciṣyo jvaradurnāmagrahaṇīpāṇḍurogahā devadāru smṛtaṃ dāru surāhvaṃ kilimaṃ ca tat snehaviddhaṃ mahādāru bhadradārvindradāru ca devakāṣṭhaṃ bhadrakāṣṭhaṃ pūtikāṣṭhaṃ sudāru ca suradārvindravṛkṣaśca tathaivāmaradāru ca devadāru rase tiktaṃ snigdhoṣṇaṃ śleṣmavātajit āmadoṣavibandhādhmānapramehavinivartakam kattṛṇaṃ sakalaṃ bhūti bhūtidaṃ rohiṣaṃ tṛṇam dhyāmakaṃ śyāmakaṃ pauraṃ pāṭalaṃ devadaṇḍakam kattṛṇaṃ śvāsakāsaghnaṃ hṛdrogaśamanaṃ param visūcyajīrṇaśūlaghnaṃ kaphapittāsranāśanam kapaṭaṃ ca sumaṅgalyaṃ ciḍā gandhavadhūs tathā taruṇaṃ taruṇī tārā vātabhūtavināśanī kaphavātaharā coṣṇā dīpanī raktadoṣajit guṇṭho vṛttaguṇaḥ śuṇṭhaḥ śṛṅgabhedībhamūlakaḥ śuṇṭhaṃ kuṇṭhaṃ tṛṇaśuṇṭho vartulaḥ pṛthukandakaḥ kaṣāyānurasaḥ svāduḥ śītalo mūtrakṛcchrahā raktapittaharo guṇṭho rajaḥśukraviśodhanaḥ śṛṅgī karkaṭaśṛṅgī ca kulīrā karkaṭāhvayā kulīraśṛṅgī vakrā ca mahākoṣā natāṅginī candrāspadā viṣāṇī ca śṛṅgī vanajamūrdhajā tiktā karkaṭaśṛṅgī ca guruścordhvasamīrajit kāsaśvāsārttiyakṣmaghnī vāntitṛṣṇārucīr jayet ajaśṛṅgī meṣaśṛṅgī sarpadaṃṣṭrā ca vartikā dvitīyā dakṣiṇāvartā vṛścikālī viṣāṇikā ajaśṛṅgī himā svāduḥ śophatṛṣṇāvamīr jayet cakṣuṣyā śvāsahṛdrogaviṣakāsārttikuṣṭhanut śāliparṇī sthirā saumyā triparṇyatiguhā dhruvā vidārigandhāṃśumatī dīrghamūlāṃśupattrikā śāliparṇī rase tiktā gurūṣṇā vātadoṣajit viṣamajvaramehārśaḥśophasantāpanāśanī ālakaṃ pālakaṃ dagdhaṃ sabalaṃ bhūmigandhikam jvalanābhaṃ viśuddhaṃ ca gandhaṃ voṭaṃ kusumbhakam pṛśniparṇī pṛthakparṇī kalaśī dhāvanī guhā śṛgālavinnāṅghribalāparṇī kroṣṭukapucchikā pṛśniparṇī rase svādur laghūṣṇāsratridoṣajit kāsaśvāsapraśamanī jvaratṛḍdāhanāśinī sarpānukāriṇī tanvī dīrghaparṇī ca parṇikā kumudātiguhā caiva viṣaghnī saiva kīrtitā bṛhatī siṃhikā kāntā vārtākī rāṣṭrikā kulī viṣadā sthūlakaṇṭākī mahatī tu mahoṭikā siṃhikā kaphavātaghnī śvāsaśūlajvarāpahā chardihṛdrogamandāgnim āmadoṣāṃśca nāśayet kaṇṭakārī tu duḥsparśā kṣudrā vyāghrī nidigdhikā kaṇṭālikā kaṇṭakinī dhāvanī duṣpradharṣiṇī kaṇṭakārī kaṭustiktā tathoṣṇā śvāsakāsajit arucijvaravātāmadoṣahṛdgadanāśinī kaṇṭakārīdvayaṃ tiktaṃ vātāmakaphakāsajit kṣudrikāyāḥ phalaṃ jñeyaṃ kaṭu tiktaṃ jvarāpaham kaṇḍūkuṣṭhakṛmighnaṃ ca kaphavātaharaṃ tathā lakṣmaṇā kṣetradūtī ca sitasiṃhī kuvārtikā suśvetā kaṇṭakārī ca durlabhā ca mahauṣadhī kāsaghnī kṣudramātā ca kvacidvārtākinī viduḥ vanajā kiṃcid āṭavyā kapaṭā kapaṭeśvarī malinā malināṅgī ca kaṭuvārttākinīti ca gardabhī bahuvāhā ca candrapuṣpā priyaṃkarī vṛntākī vārttikā vṛntā bhaṇṭākī bhaṇṭikā matā vṛntākaṃ svādu tīkṣṇoṣṇaṃ kaṭupākamapittalam kaphavātaharaṃ hṛdyaṃ dīpanaṃ śukralaṃ laghu gokṣuraḥ syādgokṣurako bhakṣakaḥ svādukaṇṭakaḥ gokaṇṭako bhakṣaṭakaḥ ṣaḍaṅgaḥ kaṇṭakatrikaḥ śvadaṃṣṭro bṛṃhaṇo vṛṣyastridoṣaśamano'gnikṛt śūlahṛdrogakṛcchraghnaḥ pramehavinivartakaḥ bilvaḥ śalāṭuḥ śāṇḍilyo hṛdyagandho mahāphalaḥ śailūṣaḥ śrīphalaḥ śryāhvaḥ karkaṭaḥ pūtimārutaḥ lakṣmīphalo gandhagarbhaḥ satyakarmā durāruhaḥ vātasāro 'rimedaśca kaṇṭakāḍhyo 'sitānanaḥ bilvamūlaṃ tridoṣaghnaṃ chardighnaṃ madhuraṃ laghu bilvasya tu phalaṃ bālaṃ snigdhaṃ saṃgrāhi dīpanam kaṭutiktakaṣāyoṣṇaṃ tīkṣṇaṃ vātakaphāpaham vidyāttadeva saṃpakvaṃ madhurānurasaṃ guru vidāhi viṣṭambhakaraṃ doṣahṛt pūtimārutam agnimantho'gnimathanastarkārī vaijayantikā vahnimantho 'raṇī ketuḥ śrīparṇī karṇikā jayā nādeyī vahnimathano dvitīyaś cāgnimanthanaḥ raktāṅgo manthanaścaiva sa caivāraṇiko mataḥ tarkārī kaṭukā tiktā tathoṣṇānilapāṇḍujit śophaśleṣmāgnimāndyāmavibandhāṃśca vināśayet śyonākaḥ śukanāsaśca kaṭvaṅgo'tha kaṭaṃbharaḥ mayūrajaṅgho 'ralukaḥ priyajīvaḥ kuṭannaṭaḥ sa proktaḥ pṛthuśimbaśca ṭiṇṭuko dīrghavṛntakaḥ bhallūkaḥ śillakaḥ phalguvṛntāko jambuko mataḥ ṭiṇṭukaḥ śiśirastikto vastirogaharaḥ paraḥ pittaśleṣmāmavātātīsārakāsārucīrjayet kāśmaryā kāśmarī hīrā kāśmaryo madhuparṇyapi śrīparṇī sarvatobhadrā gambhārī kṛṣṇavṛntakā śrīparṇī svarase tiktā gurūṣṇā raktapittajit tridoṣaśramadāhārttijvaratṛṣṇāviṣāñjayet pāṭaloktā tu kumbhīkā tāmrapuṣpāmbuvāsinī sthālī vasantadūtī syādamoghā kālavṛntikā pāṭalā tu rase tiktā gurūṣṇā pavanāsrajit pittahikkāvamīśophakaphārocakanāśinī dvitīyā pāṭalā śvetā nirdiṣṭā kāṣṭhapāṭalā sā caiva śvetakumbhīkā kuberākṣī phaleruhā pāṭalāyāḥ guṇais tadvat kiṃcin mārutakṛd bhavet jīvakaḥ śṛṅgakaḥ kṣveḍo dīrghāyuḥ kūrcaśīrṣakaḥ hrasvāṅgaḥ madhuraḥ svāduḥ prāṇadaścirajīvyapi jīvakaḥ madhuraḥ śīto raktapittānilāñjayet dāhajvarakṣayān hanti kaphaśukravivardhanaḥ ṛṣabho durdharo dhīro mātṛko vṛṣabho vṛṣaḥ viṣāṇī kakudindrākṣo bandhuro gopatistathā ṛṣabhastu rase svāduḥ pittaraktasamīrahā kṣayadāhajvarān hanti śleṣmaśukravivardhanaḥ medā jñeyā maṇicchidrā śalyaparṇī dharāpi ca mahāmedā devamaṇirvasucchidrā prakīrtitā medā svādurasā śītā kṣayadāhajvarāpahā sā pittaṃ tu jayecchukraṃ sakaphaṃ ca vivardhayet mahāmedā himā svāduḥ kaphaśukravivardhanī hanti dāhāsrapittāni kṣayavātajvaraiḥ saha vijayā rañjikā bhaṅgā tandrākṛd bahuvādinī mādinī mādikā mātuḥ proktā gañjākinistathā bhaṅgā kaphaharī tiktā grāhiṇī yācanī laghuḥ tīkṣṇoṣṇā pittalā mohamadavāgvahnivardhinī kākolī madhurā śuklā kṣīrā dhvāṅkṣolikā smṛtā vayaḥsthā svādumāṃsī ca vāyasolī ca karṇikā kākolī svāduśītā ca vātapittajvarāpahā dāhaghnī kṣayahantrī ca śleṣmaśukravivardhinī dvitīyā kṣīrakākolī kṣīraśuklā payasvinī vayaḥsthā kṣīramadhurā vīrā kṣīraviṣāṇikā ruciṣyā vātapittāsrahṛdrogaśamanī matā śvāsakāsakṣayaharā vṛṣyā vastiviśodhanī māṣaparṇī ca kāmbojī kṛṣṇavṛntā mahāsahā ārdramāṣā siṃhavinnā māṃsamāṣāśvapucchikā māṣaparṇī rase tiktā śītalā raktapittajit kaphaśukrakarī svādurhanti dāhajvarānilān mudgaparṇī kṣudrasahā śimbī mārjāragandhikā vanajā riṅgaṇī hrasvā śūrpaparṇyāvubhe smṛte mudgaparṇī himā svādurvātaraktavināśinī pittadāhajvarān hanti kṛmighnī kaphaśukrakṛt jīvantī jīvanīyā ca jīvanī jīvavardhanī māṅgalyanāmadheyā ca śākaśreṣṭhā yaśaskarī cakṣuṣyā sarvadoṣaghnī jīvantī madhurā himā śākānāṃ pravarā nyūnā dvitīyā kiṃcideva tu madhuyaṣṭī ca yaṣṭī ca yaṣṭīmadhu madhusravā yaṣṭīkaṃ madhukaṃ caiva yaṣṭyāhvaṃ madhuyaṣṭikā sthalajā jalajānyā tu madhuparṇī madhūlikā madhuyaṣṭī svādurasā śītā pittavināśinī vṛṣyā śoṣakṣayaharā viṣachardivināśanī tallakṣaṇaṃ klītanakaṃ klītanaṃ klītikā ca sā yaṣṭikāyugalaṃ svādu tṛṣṇāpittāsrajiddhimam ṛddhirvṛddhiḥ sukhaṃ siddhī rathāṅgaṃ maṅgalaṃ vasu ṛṣisṛṣṭā yugaṃ yogyaṃ lakṣmīḥ sarvajanapriyā ṛddhirmadhuraśītā syāt kṣayapittānilāñjayet raktadoṣaṃ jvaraṃ hanti vardhanī kaphaśukrayoḥ vidārikā matā śuklā svādukandā śṛgālikā vṛṣyakandā vidārī ca vṛṣyavallī viḍālikā vidārī śiśirā svādurguruḥ snigdhā samīrajit pittāsrajittathā balyā vṛṣyā caiva prakīrtitā anyā yā kṣīravidārī syādikṣugandhekṣuvallyapi kṣīravallī kṣīrakandā kṣīraśuklā payasvinī kṣīravidārikā balyā vātapittaharā ca sā madhurā bṛṃhaṇī vṛṣyā śītasparśātimūtralā stanyadoṣasya haraṇī pittaśūlaniṣūdanī kapikacchūrātmaguptā svayaṃguptā maharṣabhī lāṅgūlī kaṇḍulā caṇḍā markaṭī durabhigrahā kapikacchūḥ rase svādustiktā śītānilāpahā vṛṣyā pittāsrahantrī ca duṣṭavraṇavināśinī dadhipuṣpī tu khaṭvāṅgī khaṭvā paryaṅkapādikā ṛṣabhī sā tu kākāṇḍī jñeyā śūkarapādikā kaphapittaharā gurvī rañjanī vātanāśinī uṣṇavīryā svādurasā kākāṇḍī māṣavadbhavet śitivāraḥ sūcipatraḥ sūcyāhvaḥ suniṣaṇṇakaḥ śrīvārakaḥ śitivaraḥ svastikaḥ kukkuṭaḥ śikhī śitivārastu saṃgrāhī kaṣāyaḥ sarvadoṣajit hṛdrogaplīhagulmārśobastiśuddhikaraḥ paraḥ pāṣāṇabhedako'śmaghnaḥ śilābhedo'śmabhedakaḥ sa caivopalabhedaśca nagabhid dṛṣad aśmajit aśmabhedo himastiktaḥ śarkarāśiśnaśūlajit hṛdrogaplīhagulmārśobastiśuddhikaraḥ paraḥ śrāvaṇī syānmuṇḍitikā bhikṣuḥ śravaṇaśīrṣikā śravaṇāhvā pravrajitā parivrājī tapodhanā mahāśrāvaṇikā muṇḍī lobhanīyā tathānyakā kadambapuṣpikā proktā chinnagranthinikā ca sā muṇḍikā kaṭutiktā syādanilāsravināśinī āmārucighnyapasmāragaṇḍaślīpadanāśinī sārivā śāradā gopā gopavallī pratānikā gopakanyā latāsphotā śvetoktā kāṣṭhasārivā sārivānyā kṛṣṇamūlī kṛṣṇā candanasārivā bhadrā candanagopā tu candanā kṛṣṇavallyapi sārive dve tu madhure kaphavātāsranāśane kuṣṭhakaṇḍūjvarahare mehadurgandhināśane kṛṣṇamūlī tu saṃgrāhiśiśirā kaphavātajit tṛṣṇārucipraśamanī raktapittaharā smṛtā vākucī somarājī tu somavallī suvallyapi avalgujā kṛṣṇaphalā saiva pūtiphalā matā candralekhendulekhā ca śaśilekhā matā ca sā pūtikarṇī kālameṣī durgandhā kuṣṭhanāśinī vākucī śītalā tiktā śleṣmakuṣṭhakṛmīñjayet rasāyanopayuktā ca rucimedhāvivardhanī madanaḥ śalyako rāṭhaḥ piṇḍī piṇḍītakaḥ phalaḥ gālavaḥ karahāṭaśca chardano viṣapuṣpakaḥ madanaḥ kaṭukastiktastathā coṣṇo vraṇāpahaḥ śleṣmajvarapratiśyāyagulmeṣu vidradhīṣu ca śophadoṣāpaho vastau vamane ceha śasyate kaṭukālāmbunī tumbī lambā piṇḍaphalā ca sā ikṣvākuḥ kṣatriyavarā tiktabījā mahāphalā kāsaśvāsacchardiharo viṣārte kaphakarśite ikṣvākurvamane śastaḥ pratāmyati ca mānave kaṭutumbī kaṭustiktā vātakṛcchvāsakāsajit kaphaghnī śodhanī śophavraṇaśūlaviṣāpahā jīmūtako devatāḍo vṛttakośo garāgarī proktākhuviṣahā veṇī devadālī ca tāḍakā jīmūtako jvaraśvāsakāsahidhmārucikṣaye śophapāṇḍuviṣadhvaṃsī gareṣu vamane hitaḥ trapusaṃ kaṭukaṃ tiktaṃ vipāṇḍur hastiparṇinī dīrghaparṇī mūtraphalā latākarkaṭikāpi ca trapusaṃ chardihṛt proktaṃ vastiviśodhanam urvāruḥ karkaṭī proktā vyālapattrā ca lomaśā sthūlā toyaphalā caiva hastidantaphalā muniḥ urvārukaṃ pittaharaṃ suśītalaṃ mūtrāmayaghnaṃ madhuraṃ rucipradam saṃtāpamūrcchāpaharaṃ sutṛptidaṃ vātaprakopāya ghanaṃ tu sevitam vālukaṃ kāṇḍakaṃ vālu tacchītaṃ madhuraṃ guru raktapittaharaṃ bhedi laghūṣṇaṃ pakvam agnikṛt śīrṇavṛntaṃ citraphalaṃ vicitraṃ pītavarṇakam śīrṇavṛntaṃ laghu svādu bhedyuṣṇaṃ vahnipittakṛt cirbhaṭaṃ dhenudugdhaṃ ca jñeyaṃ gorakṣakarkaṭī cirbhaṭaṃ madhuraṃ rūkṣaṃ guru pittakaphāpaham ḍaṅgarī ḍāṅgarī caiva dīrghorvāruśca ḍaṅgariḥ ḍāṅgārī nāgaśuṇḍī ca gajadantaphalā muniḥ ḍaṅgarī śītalā rucyā dāhapittāsradoṣajit śoṣahṛt tarpaṇī balyā jāḍyahā mūtrarodhanut kūṣmāṇḍikā kumbhaphalā tathā sthiraphalā matā kūṣmāṇḍī somasṛṣṭā ca pītikā ca bṛhatphalā vallīphalānāṃ pravaraṃ kūṣmāṇḍaṃ vātapittajit vastiśuddhikaraṃ vṛṣyaṃ hṛdyaṃ cetovikārajit vandhyakarkoṭakī devī manojñā ca kumārikā nāgāriḥ sarpadamanī viṣakaṇṭakinī tathā vijñeyā nāgadamanī sarvabhūtapramardinī vandhyāputrapradā caiva jñeyā yogeśvarī tathā karkoṭakī svāduphalā manojñā ca kumārikā avandhyā caiva devī ca viṣapraśamanī tathā karkoṭakīyugaṃ tiktaṃ hanti śleṣmaviṣadvayam madhunā ca śiroroge kandastasyāḥ praśasyate dhāmārgavaḥ kośaphalā rājakośātakī tathā karkoṭakī pītapuṣpā mahājālinirucyate mahākośātakī tvanyā hastighoṣā mahāphalā dhāmārgavo gadeṣviṣṭaḥ sthireṣu ca mahatsu ca kośātakī sutiktoṣṇā pakvāmāśayaśodhinī kāsagulmodaragare vāte śleṣmāśayasthite kaphe ca kaṇṭhavaktrasthe kaphasaṃcayaneṣu ca anyā svādus tridoṣaghnī jvarasyānte hitā smṛtā kośātakī kṛtacchidrā jālinī kṛtavedhanī kṣveḍā sutiktā ghaṇṭālī mṛdaṅgaphalikā matā kṣveḍastiktaḥ kaṭustīkṣṇo 'pragāḍhaśca praśasyate kuṣṭhapāṇḍvāmayaplīhaśophagulmagarādiṣu aśmantakaścandrakastu kuddālī cāmlapattrakaḥ ślakṣṇatvaṅ mālukāparṇaḥ smṛto yamalapattrakaḥ aśmantakaḥ kaṣāyastu himaḥ pittakaphāpahaḥ madhuraḥ śītasaṃgrāhī dāhatṛṣṇāpramehajit kovidāre'tha kuddālaḥ kumbhāraḥ kuṇḍalī kulī tāmrapuṣpaścamariko mahāyamalapattrakaḥ kovidāraḥ kaṣāyastu saṃgrāhī vraṇaropaṇaḥ gaṇḍamālāgudabhraṃśaśamanaḥ kuṣṭhakeśahā āvartakī bindukinī vibhāṇḍī pītakīlakā carmaraṅgā pītapuṣpā mahājālinirucyate āvartakī ca kuṣṭhaghnī sordhvādhodoṣanāśanī kaṣāyā śītalā vṛṣyā tridoṣaghnyatisārajit śophagulmodarānāhakṛmijālavināśinī śaṇapuṣpī bṛhatpuṣpī sā coktā śaṇaghaṇṭikā mahāśaṇo mālyapuṣpī vamanī kaṭutiktakā śaṇapuṣpī rase tiktā vamanī kaphapittajit vātaghnī kaṇṭhahṛdrogamukharogavināśinī bimbī raktaphalā tuṇḍī tuṇḍikeraphalā ca sā oṣṭhopamaphalā golhā pīluparṇī ca tuṇḍikā tuṇḍikā kaphapittāsṛkśophapāṇḍujvarāpahā śvāsakāsāpahā tajjaṃ phalaṃ vātakaphāvaham harītakyabhayā pathyā prapathyā pūtanāmṛtā jayāvyathā haimavatī vayaḥsthā cetakī śivā prāṇadā nandinī caiva rohiṇī vijayā ca sā kaṣāyāmlā ca kaṭukā tiktā madhurasānvitā iti pañcarasā pathyā lavaṇena vivarjitā amlabhāvājjayedvātaṃ pittaṃ madhuratiktakāt kaphaṃ rūkṣakaṣāyatvāttridoṣaghnī tato'bhayā prapathyā lekhanī laghvī medhyā cakṣurhitā sadā mehakuṣṭhavraṇacchardiśophavātāsrakṛcchrajit vātānulomanī hṛdyā sendriyāṇāṃ prasādanī saṃtarpaṇakṛtānrogānprāyo hanti harītakī tṛṣṇāyāṃ mukhaśoṣe ca hanustambhe galagrahe navajvare tathā kṣīṇe garbhiṇyāṃ na praśasyate harasya bhavane jātā haritā ca svabhāvataḥ sarvarogāṃśca ca harate tena khyātā harītakī vibhītakaḥ karṣaphalo vāsanto'kṣaḥ kalidrumaḥ saṃvartako bhūtavāsaḥ kalkihāryo baheḍakaḥ vibhītakaḥ kaṭuḥ pāke laghurvaisvaryajitsaraḥ kāsākṣivaktrarogaghnaḥ keśavṛddhikaraḥ paraḥ vayaḥsthāmalakaṃ vṛṣyaṃ jātīphalarasaṃ śivam dhātrīphalaṃ śrīphalaṃ ca tathāmṛtaphalaṃ smṛtam kaṣāyaṃ kaṭutiktāmlaṃ svādu cāmalakaṃ himam saraṃ tridoṣahṛd vṛṣyaṃ jvaraghnaṃ ca rasāyanam hanti vātaṃ tadamlatvātpittaṃ mādhuryaśaityataḥ kaphaṃ rūkṣakaṣāyatvātphalaṃ dhātryāstridoṣajit prācīnāmalakaṃ prācīnāraṅgaṃ raktakaṃ matam tatpakvaṃ pittakaphakṛd durjaraṃ guru vātajit āragvadho dīrghaphalo vyādhihā caturaṅgulaḥ ārevatastathā karṇī karṇikāro'tha recanaḥ āragvadho rase tikto gurūṣṇaḥ kṛmiśūlanut kaphodarapramehaghnaḥ kṛcchragulmatridoṣajit karṇikāro rājavṛkṣaḥ pragrahaḥ kṛtamālakaḥ ārogyaśimbī śampāko vyādhighāto vyathāntakaḥ kṛtamālo laghuḥ śītaḥ pittaghno madhuraḥ saraḥ tatphalaṃ madhuraṃ balyaṃ vātapittāmajitsaram dantī śīghrā nikumbhā syād upacitrā mukūlakaḥ tathodumbaraparṇī ca viśalyā ca ghuṇapriyā dantī tīkṣṇoṣṇakaṭukā kaphavātodarāñjayet arśovraṇāśmarīśūlān hanti dīpanaśodhanī varaṇī ca varāṅgī ca tathaiva ca jayāvahā āvartakī keśaruhā tathaiva viṣabhadrikā varaṇī tu rase tiktā śūlatvagdoṣanāśinī kaphavātodarārśāṃsi hanti dīpanaśodhanī recako jayapālaśca sārakastintiḍīphalam dantībījaṃ maladrāvī nikumbho bījarecakaḥ kumbhībījaṃ nikumbhāhvabījaṃ tat kumbhinīphalam jepālaḥ kaṭuruṣṇaśca kṛmihārī virecanaḥ dīpanaḥ kaphavātaghno jaṭharāmayanāśanaḥ dravantī śambarī citrā nyagrodhā mūṣakāhvayā pratyakśreṇī vṛṣā caṇḍā putraśreṇyākhuparṇikā dravantī grahaṇītṛṣṇātridoṣaśamanī hitā abhiṣyaṇṇatanau granthyāṃ pramehe jaṭhare gare kaphapittāmaye pāṇḍau kṛmikoṣṭhabhagaṃdare dravantī hṛdrogaharā kaphakṛmivināśinī nīlinī nīlikā kālā grāmyā dolā viśodhanī tutthā śrīphalikā mocā bhāravāhī ca rañjanī nīlī tiktā rase coṣṇā kaṭivātakaphāpahā keśyā viṣodaraṃ hanti vātāsṛkkṛmināśinī snuk snuhī ca mahāvṛkṣo guḍā nistriṃśapattrakaḥ samantadugdhā gaṇḍīraḥ sehuṇḍo vajrakaṇṭakaḥ sehuṇḍastu rase tikto gurūṣṇaḥ kaphavātajit duṣṭavraṇāśmarīṃ hanti tathā vātaviśodhanaḥ snuhīkṣīraṃ viṣādhmānagulmodaraharaṃ param sātalā saptalā sārī vidulā vimalāmalā bahuphenā carmakaṣā phenā dīptā marālikā sātalā śodhanī tiktā kaphapittāsradoṣanut śophodarādhmānaharā kiṃcinmārutakṛdbhavet kṣīriṇī kāñcanakṣīrī kaṭuparṇī ca karṣaṇī tiktadugdhā haimavatī hemadugdhā himāvatī tiktā tu kāñcanakṣīrī pittakṛmiviṣāpahā śodhanī doṣasaṃghātaśamanī raktapittajit svarṇakṣīrī svarṇadugdhā suvarṇakṣīrikāpi ca hemāhvā kanakakṣīrī hemakṣīrī ca kāñcanī kṣīriṇīyugalaṃ tiktaṃ kṛmipittakaphāpaham śyāmā trivṛnmālavikā masūravidalā ca sā kālārdhacandrā pālindī suṣeṇī kālameṣyapi trivṛtā kaṭur uṣṇā tu kṛmiśleṣmodarajvarān śophapāṇḍvāmayaplīhān hanti śreṣṭhā virecane śuklabhaṇḍī tribhaṇḍī syāt kākākṣī saralā trivṛt sarvānubhūtistripuṭā tryasrā kumudagandhinī kaṣāyā madhurā coṣṇā vipāke kaṭukā trivṛt kaphapittapraśamanī rūkṣā cānilakopanī aindrīndravāruṇīndrāhvāthendravārur mṛgādanī gavādanī kṣudraphalā vṛṣabhākṣī gavākṣyapi indravāruṇikātyuṣṇā recanī kaṭukā tathā kṛmiśleṣmavraṇān hanti hanti sarvodarāṇyapi anyendravāruṇī proktā viśālā ca mahāphalā ātmarakṣā citraphalā trapusī trapusā ca sā indravārudvayaṃ tiktaṃ kaṭu pāke rase laghu vīryoṣṇaṃ kāmalāpittakaphaślīpadanāśanam śvetapuṣpī mṛgākṣī ca mṛgairvārur mṛgādanī hastidantī nāgadantī vāruṇī gajacirbhaṭā kaṇṭharogāpacīśvāsakāsaplīhakaphodarān mūḍhagarbhaṃ ca harati kuṣṭhaduṣṭavraṇāñjayet trāyamāṇā kṛtatrāṇā trāyantī trāyamāṇakā baladevā balabhadrā vārṣikī girisānujā trāyantī kaphapittāsragulmajvaraharā matā uṣṇā kaṭukaṣāyā ca sūtikāśūlanāśinī yavatiktā śaṅkhinī tu dṛḍhapādā visarpiṇī nākulī cākṣapīḍā ca netramīlā yaśaskarī śatapuṣpā miśirghoṣā pītikā mādhavī śiphā aticchatrā tvavākpuṣpī śatāhvā kāravī smṛtā śatāhvā kaṭukā tiktā snigdhoṣṇā śleṣmavātajit jvaranetravraṇān hanti bastikarmaṇi śasyate śatapuṣpādalaṃ coktaṃ vṛṣyaṃ rudhiragulmajit vātaghnaṃ dīpanaṃ stanyaṃ pittakṛt rucidāyakam miśreyā tālaparṇī tu tālapatrī miśistathā śāleyaḥ sa ca śālīno nāmnā śītaśivo mataḥ tiktā svāduhimā vṛṣyā durnāmakṣayajinmiśiḥ kṣatakṣīṇahitā balyā vātapittāsradoṣajit vacogragandhā golomī jaṭilogrā ca lomaśā anyā śvetavacā medhyā ṣaḍgranthā haimavatyapi vāmanī kaṭutiktoṣṇā vātaśleṣmarujāpahā kaṇṭhyā medhyā ca kṛmihṛdvibandhādhmānaśūlanut vacādvayaṃ tu kaṭukaṃ rūkṣoṣṇaṃ malamūtralam dīpanaṃ kaphavātaghnaṃ medhyāyuṣyaṃ ca pācanam jantughnaṃ cogragandhaṃ ca syāllaghu kaṇṭhāsyarogajit hapuṣā vipuṣā visrā visragandhātigandhikā aparā cāśvatthaphalā kacchūghnī dhvāṅkṣanāśinī hapuṣā kaṭutiktoṣṇā gururvātabalāsajit arśāṃsi gulmaśūlāni hanti jantūdaraiḥ saha viḍaṅgā jantuhantrī ca kṛmighnī citrataṇḍulā taṇḍulī kṛmihāmoghā kairalī mṛgagāminī rūkṣoṣṇaṃ kaṭukaṃ pāke laghu vātakaphāpaham īṣattiktaṃ viṣān hanti viḍaṅgaṃ kṛmināśanam kuṭajaḥ kauṭajaḥ kauṭo vatsako girimallikā kaliṅgo mallikāpuṣpa indravṛkṣo'tha vṛkṣakaḥ kuṭajaḥ kaṭukastiktaḥ kaṣāyo rūkṣaśītalaḥ kuṣṭhātīsārapittāsragudajāni vināśayet phalāni tasyendrayavāḥ śakrāhvāḥ syuḥ kaliṅgakāḥ tathā vatsakabījāni proktā bhadrayavāstathā śakrāhvāḥ kaṭutiktoṣṇās tridoṣaghnāśca dīpanāḥ raktārśāṃsyatisāraṃ ca ghnanti śūlavamīstathā yavakṣāraḥ smṛtaḥ pākyo yavajo yavaśūkajaḥ yavāhvaḥ śūkajo yavyo yāvaśūko yavāgrajaḥ yavakṣāraḥ kaṭūṣṇaśca kaphavātodarārtijit āmaśūlāśmarīkṛcchraviṣadoṣaharaḥ saraḥ uṣṇo virūkṣaṇastīkṣṇo dīpanaḥ kaphavātajit pittāsradūṣaṇo hṛdyo yavajaḥ kṣāra ucyate kṣāro'nyaḥ svarjikākṣāraḥ svarjikātha suvarcikā suvarcikaḥ suvarco'tha sukhavarcaḥ sa eva ca svarjikoṣṇā kaṭuḥ kṣārarasā vātakaphau jayet gulmādhmānakṛmīn hanti medojaṭharanāśinī ṭaṅkaṇaṣṭaṅkaṇakṣāro mālatīrasasambhavaḥ drāvī drāvaṇakaścaiva lohānāṃ śuddhikārakaḥ kathitaṣṭaṅkaṇakṣāraḥ kaṭūṣṇaḥ kaphanāśanaḥ sthāvarādiviṣaghnaś ca kāsaśvāsāpahārakaḥ virūkṣaṇo'nilaharaḥ śleṣmahā pittadūṣaṇaḥ agnidīptikarastīkṣṇaṣṭaṅkaṇakṣāra ucyate saindhavaṃ sindhu sindhūtthaṃ nādeyaṃ sindhujaṃ śivam śuddhaṃ śītaśivaṃ cānyanmaṇimanthaṃ śilātmakam saindhavaṃ śiśiraṃ snigdhaṃ laghu svādu tridoṣajit hṛdyaṃ hṛnnetrarogaghnaṃ vraṇarocakanāśanam saindhavaṃ svādu cakṣuṣyaṃ vṛṣyaṃ rocanadīpanam avidāhi vibandhaghnaṃ sukhadaṃ syāttridoṣajit viḍaṃ kṛtrimakaṃ dhūrtaṃ kṣāraṃ drāviḍamāsuram supākyaṃ khaṇḍalavaṇaṃ kṛtakaṃ ceti nāmataḥ sakṣāraṃ dīpanaṃ śūlahṛdrogakaphanāśanam rocanaṃ tīkṣṇamuṣṇaṃ ca viḍaṃ vātānulomanam akṣaṃ sauvarcalaṃ proktaṃ rucakaṃ hṛdyagandhakam tilakaṃ kṛṣṇalavaṇaṃ tatkālalavaṇaṃ smṛtam laghu sauvarcalaṃ pāke vīryoṣṇaṃ viśadaṃ kaṭu gulmaśūlavibandhaghnaṃ hṛdyaṃ surabhi rocanam audbhidaṃ pāṃśulavaṇaromakaṃ vasukaṃ vasu ūṣaraṃ pāṃsavakṣāramaurvaṃ sārvaguṇaṃ tathā laghu tīkṣṇoṣṇamutkledi sūkṣmaṃ vātānulomanam satiktaṃ kaṭukaṃ kṣāraṃ vidyāt lavaṇamaudbhidam sāmudralavaṇaṃ prāhuḥ kṣāraṃ ca śiśiraṃ tathā samudrajaṃ sāgarajaṃ lavaṇodadhisambhavam sāmudralavaṇaṃ pāke nātyuṣṇamavidāhi ca bhedanaṃ snigdhamīṣacca śūlaghnaṃ nātipittalam hiṅgu rāmaṭhamatyugraṃ jantughnaṃ bhūtanāśanam agūḍhagandhaṃ bāhlīkaṃ jaraṇaṃ sūpadhūpanam hiṅgūṣṇaṃ kaṭukaṃ hṛdyaṃ saraṃ vātakaphau kṛmīn hanti gulmodarādhmānabandhaśūlahṛdāmayān hiṅgupattrī tu kavarī pṛthvīkā pṛthulā pṛthuḥ bāṣpikā dīrghikā tanvī bilvikā dārupattrikā bāṣpikā kaṭutīkṣṇoṣṇā hṛdyā vātakaphāpahā kṛmiplīhavibandhārśogulmahṛdvastiśūlanut nāḍīhiṅgu palāśākhyā jantukā rāmaṭhī ca sā vaṃśapattrī veṇupattrī piṇḍā hiṅguśivāṭikā nāḍīhiṅgu kaṭūṣṇaṃ ca kaphavātātiśāntikṛt viṣṭambhanavibandhāmadoṣaghnaṃ dīpanaṃ param tumburuḥ saurabhaḥ sauro vanajaḥ sānujo dvijaḥ tīkṣṇavalkastīkṣṇaphalastīkṣṇapattro mahāmuniḥ tumburuḥ kaṭutīkṣṇoṣṇaḥ kaphamārutaśūlajit apatantrodarādhmānakṛmighno vahnidīpanaḥ sūkṣmailā drāviḍī tutthā koraṅgī bahulā truṭiḥ elā kapotavarṇā ca candrabālā ca niṣkuṭī candanaṃ gandhasāraṃ ca mahārhaṃ śvetacandanam bhadraśriyaṃ malayajaṃ gośīrṣaṃ tilaparṇakam śrīkhaṇḍaṃ śītalaṃ svādu tiktaṃ pittavināśanam raktaprasādanaṃ vṛṣyamantardāhāpahārakam pittāsraviṣatṛḍdāhakṛmighnaṃ guru rūkṣaṇam sarvaṃ satiktamadhuraṃ candanaṃ śiśiraṃ param raktacandanamapyanyallohitaṃ haricandanam raktasāraṃ tāmrasāraṃ nirdiṣṭaṃ kṣudracandanam raktacandanamapyāhū rakṣoghnaṃ tiktaśītalam raktodrekaharaṃ hanti pittakopaṃ sudāruṇam kucandanaṃ pataṅgaṃ ca raktakāṣṭhaṃ suraṅgakam pattrāṅgaṃ paṭṭarāgaṃ ca paṭṭarañjanameva ca svādu pākarase śītaṃ śleṣmalaṃ nātipittalam kucandanaṃ tu tiktaṃ syātsugandhi vraṇaropaṇam kālīyakaṃ tu pītaṃ syāttathā nārāyaṇapriyam malayotthaṃ pītakāṣṭhaṃ caturthaṃ haricandanam kālīyakaṃ pavitrāḍhyaṃ śītalaṃ raktapittajit atha barbarikaṃ śvetaṃ nirgandhaṃ barbarodbhavam pittāsṛkkaphadāhaghnaṃ kṛmighnaṃ guru rūkṣaṇam sarvāṇyetāni tulyāni rasato vīryatastathā gandhena tu viśeṣaḥ syāt pūrvaṃ śreṣṭhatamaṃ guṇaiḥ kuṅkumaṃ rudhiraṃ raktamasṛgasraṃ ca pītakam kāśmīraṃ cāru bāhlīkaṃ saṃkocaṃ piśunaṃ varam kuṅkumaṃ kaṭukaṃ tiktamuṣṇaṃ śleṣmasamīrajit vraṇadṛṣṭiśirorogaviṣahṛt kāyakāntikṛt uśīraṃ cāmṛṇālaṃ syādabhayaṃ samagandhikam raṇapriyaṃ vīrataru vīraṃ vīraṇamūlakam uśīraṃ śītalaṃ tiktaṃ dāhakāntiharaṃ ca tat vātaghnaṃ jvaratṛṇmehanudraktaṃ hanti yogataḥ uśīraṃ svedadaurgandhyapittaghnaṃ snigdhatiktakam priyaṅguḥ priyavallī ca phalinī kaṅgunī priyā vṛttā govandanī śyāmā kārambhā varṇabhedanī priyaṅguḥ śītalā tiktā mohadāhavināśinī jvaravāntiharā raktamudriktaṃ ca prasādayet tūṇis tūṇīkaṇaḥ pītatūṇikaḥ kanakastathā kuṭherakaḥ kāntalako nandivṛkṣo'tha nandikaḥ tūṇī tridoṣahṛdvṛṣyaḥ kaṇḍūkuṣṭhavraṇāpahaḥ gaṇḍamālāpaharaṇaḥ sannipātanikṛntanaḥ rocanā piṅgalā piṅgā medhyā gaurī ca gomatī māṅgalyā vandanīyāgryā pāvanī rucirā ruciḥ rocanā pācanī śītā viṣanetrarujo jayet saubhāgyakaraṇī bhūtagrahadoṣaṃ ca nāśayet turuṣko yāvanaḥ kalkaḥ piṇyākaḥ piṇḍitaḥ kapiḥ kapijaḥ kṛtrimo dhūmro dhūmravarṇaśca silhakaḥ sugandhiḥ kṛtakaścaiva yuktiyuktaśca piṇḍakaḥ kapitailamiti khyātaṃ tathā piṅgalanāmakam turuṣkaḥ kaṭutiktoṣṇaḥ snigdho vātabalāsajit svāduśca kaṭukaḥ pāke surabhirdevatāpriyaḥ agaru pravaraṃ lohaṃ kṛmijagdhamanāryakam kṛṣṇāgaru svādvagaru yogajaṃ viśvarūpakam kaṭutiktoṣṇamaguru snigdhaṃ vātakaphāpaham śrutinetrarujaṃ hanti māṅgalyaṃ kuṣṭhanutparam kāleyakaṃ sasāraṃ ca pītavarṇaṃ ca śabdataḥ varṇaprasādanaṃ caiva laghucandanameva ca kastūrikā mṛgamado mṛganābhirmṛgāṇḍajā mārjārī vedhamukhyā ca madanī gandhacelikā kastūrikā rase tiktā kaṭuḥ śleṣmānilāpahā viṣaghnī doṣaśamanī mukhaśoṣaharā parā karpūraḥ śītalarajaḥ śītābhraḥ sphaṭiko himaḥ candras tuṣāras tuhinaḥ śaśīndurhimavālukaḥ karpūraṃ kaṭutiktaṃ ca madhuraṃ śiśiraṃ viduḥ tṛṇmedoviṣadoṣaghnaṃ cakṣuṣyaṃ madakārakam jātipatrī jātikośā sumanaḥpattrikāpi ca mālatīpattrikā caiva proktā sā malanāśinī jātipatrī kaṭūṣṇā syātsurabhiḥ kaphanāśinī vaktradaurgandhyahṛdvarṇyā viṣahṛt kāyaśāntidā jātīphalaṃ jātisasyaṃ śālūkaṃ mālatīphalam madaśauṇḍaṃ jātiśṛṅgaṃ puṭaṃ saumanasaṃ phalam jātīphalaṃ kaṣāyoṣṇaṃ kaṭu kaṇṭhāmayārtijit vātātisāramehaghnaṃ laghu vṛṣyaṃ ca dīpanam kaṅkolakaṃ kṛtaphalaṃ kolakaṃ kaṭukaṃ phalam cūrṇaṃ kandaphalaṃ dvīpamaricaṃ mādhavocitam kaṅkolaṃ kaṭutiktoṣṇaṃ vaktravairasyanāśanam mukhajāḍyaharaṃ rucyaṃ vātaśleṣmaharaṃ param syātpūgaphalamudvegaṃ sraṃsi ghoṇṭāphalaṃ smṛtam cikkaṇaṃ cikkaṇā cikkā guvākaḥ khapuraṃ ca tat bhedi saṃmohakṛt pūgaṃ kaṣāyaṃ svādu rocanam kaphapittaharaṃ rūkṣaṃ vaktrakledamalāpaham lavaṅgaṃ devakusumaṃ bhṛṅgāraṃ śikharaṃ lavam divyaṃ candanapuṣpaṃ ca śrīpuṣpaṃ vārisambhavam lavaṅgakusumaṃ hṛdyaṃ śītalaṃ pittanāśanam cakṣuṣyaṃ viṣahṛt vṛṣyaṃ māṅgalyaṃ mūrdharogahṛt nalikā vidrumalatā kapotacaraṇā nalī suṣirā dhamanī śūnyā nirmathyā nartakī naṭā nalikā raktapittaghnī cakṣuṣyā viṣanāśinī nalikā vātalā tiktā gurvī ca madhurā himā māṃsī kṛṣṇajaṭā hiṃsrā naladā jaṭilā miśī jaṭā ca piśitā peśī kravyādī ca tapasvinī māṃsī svādukaṣāyā syātkaphapittāsranāśinī viṣamārutahṛdbalyā tvacyā kāntiprasādanī dvitīyā gandhamāṃsī syāt keśī bhūtajaṭā smṛtā piśācī pūtanā keśī bhūtakeśī ca lomaśā māṃsīdvayaṃ kaṣāyaṃ ca varṇyaṃ pittakaphāpaham rakṣoghnaṃ ca sugandhi syād vātaghnaṃ keśyamuttamam kuṣṭhaṃ rogo'gado vyādhirutpalaṃ pākalaṃ rujā vāpyaṃ vānīrajaṃ rāmaṃ kauberaṃ pāribhadrakam kuṣṭhaṃ kaṭūṣṇaṃ tiktaṃ syāt kaphamārutaraktajit tridoṣaviṣakaṇḍūṃśca kuṣṭharogāṃśca nāśayet reṇukā rājaputrī ca nandinī kapilā dvijā kapilolā pāṇḍuputrī smṛtā kauntī hareṇukā reṇukā śiśirātyantā tṛṣṇāṃ kaṇḍūṃca nāśayet viṣaghnī dāhadaurbalyamunmūlayati yojitā tagaraṃ kuṭilaṃ vakraṃ dīnaṃ jihmaṃ nataṃ śaṭham kālānusāryam anṛju kuñcitaṃ nahuṣaṃ nṛpam tagaraṃ syāt kaṣāyoṣṇaṃ snigdhaṃ doṣatrayapraṇut dṛkśīrṣaviṣadoṣaghnaṃ bhūtāpasmāranāśanam pariplavaṃ plavaṃ vanyaṃ gopuṭaṃ syātkuṭannaṭam sitapuṣpaṃ dāśapuraṃ gonardaṃ jīrṇapuṣpakam pariplavaṃ sugandhi syātprasvedamalakaṇḍujit jayedvātakaphau cāpi medhyaṃ kāntipradaṃ bhavet nakhaḥ kararuhaḥ śilpī karajo'tha khuraḥ śaphaḥ śuktiḥ śaṅkhaścalaḥ kośī hanurnāgahanuḥ sahaḥ nakhaṃ kaṭukamuṣṇaṃ ca viṣaṃ hanti prayojitam kuṣṭhāni sādayatyeva kaphaṃ khaṇḍayati kṣaṇāt nakhamanyad vyāghranakhaṃ puṭaṃ vyāghrāyudhaṃ matam asraṃ vyāghratalaṃ pādaṃ kūṭasthaṃ vajrakārakam vyāghranakhastu tiktoṣṇaḥ kaṣāyaḥ kaphavātajit kaṇḍūkuṣṭhavraṇaghnaśca varṇyaḥ saugandhyadaḥ paraḥ spṛkkāsṛgbrāhmaṇī devī mālālī koṭikā matā pañcamuṣṭirdevaputrī nirmālyā piśunā vadhūḥ spṛkkā śītā sugandhā syāt tṛṣṇāṃ muṣṇāti yojitā viṣaṃ hanti hinastyeva dāhaṃ dehasamudbhavam spṛkkā sugandhā kuṣṭhaghnī daurgandhyasvedanāśinī bolaṃ gandharasaṃ piṇḍaṃ nirlohaṃ barbaraṃ rasam gopakaṃ nālikaṃ pauraṃ viṣaṃ gandharasaṃ viduḥ bolaṃ tiktaṃ himaṃ raktamudriktaṃ hanti yogataḥ kaphapittāmayān hanti pradarādirujāpaham damanaḥ pāṇḍurāgaḥ syāt dāntaḥ gandhotkaṭo muniḥ puṇḍarīko brahmajaṭastapasvī ṛṣiputrakaḥ damanaḥ syādrase tikto viṣaghno bhūtadoṣanut tridoṣaśamano hṛdyaḥ kaṇḍūkuṣṭhāpahaḥ smṛtaḥ damano'nyo damaḥ śāntaḥ ṛṣir damavaśānvitaḥ kṣamāśāntiparaḥ sādhuḥ sādhukaḥ sādhugandhikaḥ murā gandhavatī daityā gandhāḍhyā gandhamālinī surabhir bhūrigandhā ca kuṭī gandhakuṭī smṛtā murātyantaṃ bhavecchītā tiktā surabhigandhinī kṣiṇoti kṣatapuñjāṃśca pittaśāntiṃ niyacchati sthauṇeyakaṃ barhicūḍaṃ śukapuṣpaṃ śukacchadam vikarṇaṃ śukabarhaṃ ca haritaṃ śīrṇaromakam sthauṇeyaṃ kaphavātaghnaṃ sugandhi kaṭutiktakam pittaprakopaśamanaṃ balapuṣṭivivardhanam corakaḥ śaṅkitaścaṇḍā duṣpattraḥ kṣemako ripuḥ gaṇahāsaḥ kopanakaḥ kitavaḥ phalacorakaḥ corakaḥ śiśiro'tyantaṃ viṣaraktāntakārakaḥ kuṣṭhakaṇḍūvraṇān hanti kṣaṇād doṣān prayogataḥ corakaścogragandhaśca tiktaḥ kṛmisamīrajit śaileyaṃ palitaṃ vṛddhaṃ jīrṇaṃ kālānusāryakam sthaviraṃ ca śilādadru śilāpuṣpaṃ śilodbhavam śaileyakaṃ himaṃ proktaṃ dāhajidviṣanāśanam raktadoṣaharaṃ caiva kaṇḍūnirmūlanaṃ smṛtam śaileyaṃ tiktakaṃ śītaṃ sugandhi kaphapittajit dāhatṛṣṇāvamiśvāsavraṇadoṣavināśanam elavālukam ālūkaṃ vālukaṃ harivālukam elvālukaṃ kapitthaṃ syāddurvarṇaṃ prasaraṃ dṛḍham elavāluḥ sugandhiḥ syācchīto'tyantaṃ prakīrtitaḥ viṣavidhvaṃsano 'tyugrakaṇḍūkuṣṭhavraṇāntakṛt saralaḥ pūtikāṣṭhaṃ ca cīḍā pūtidrumo mataḥ dīpavṛkṣaḥ snigdhadāruḥ prokto mārīcapattrakaḥ saralaḥ snigdhatiktoṣṇaḥ kaphamārutanāśanaḥ vaktrasrāvasvarabhraṃśanetrarogavraṇāntakṛt saptaparṇaḥ śuktiparṇaśchattraparṇaḥ suparṇakaḥ saptacchado gūḍhapuṣpastathā śālmalipattrakaḥ tridoṣaśamano hṛdyaḥ surabhirdīpanaḥ saraḥ śūlagulmakṛmīn kuṣṭhaṃ hanti śālmalipattrakaḥ lākṣā palaṅkaṣā raktā dīptiśca kṛmijā jatu śataghnī raṅgamātā ca drumavyādhiralaktakaḥ lākṣā tiktakaṣāyā syātsnigdhā śoṇitapittanut kṛmiśleṣmavraṇān hanti bhūtajvarārtināśinī tāmalakyajaṭā tālī tamālī tu tamālinī vitunnā bhūmyāmalakī bhūdhātrī bhvāmalakyapi bhūdhātrī madhurā tiktā vīryataḥ śiśirā smṛtā pittaṃ hanti kaphāsraghnī dṛṣṭidāhavināśinī lāmajjakaṃ sunālaṃ syādamṛṇālaṃ lavaṃ laghu iṣṭakāpathakaṃ śīghraṃ dīrghamūlaṃ jalāśrayam lāmajjakaṃ bhavettiktaṃ himaṃ cātyantamiṣyate pittapraśāntijananaṃ viṣaraktavināśanam padmako malayaś cāruḥ pītaraktaḥ surodbhavaḥ suprabhaḥ śītavīryaśca pāṭalāpuṣpavarṇakaḥ padmakaṃ śiśiraṃ snigdhaṃ kaṣāyaṃ raktapittanut garbhasthairyakaraṃ proktaṃ jvaracchardiviṣāpaham mohadāhajvarabhrāntikuṣṭhavisphoṭaśāntikṛt dhātakī tāmrapuṣpī ca kuñjarā madyavāsinī pārvatīyā subhikṣā ca vahnipuṣpā ca śabditā dhātakī kaṭukoṣṇā ca madakṛd viṣanāśinī atisāraharā garbhasthāpanī kṛmiraktanut prapauṇḍarīkaṃ cakṣuṣyaṃ puṇḍaryaṃ puṇḍarīyakam sitapuṣpaṃ supuṣpaṃ syāt śrīpuṣpaṃ sānujānujam prapauṇḍarīkaṃ madhuraṃ kaṣāyaṃ tiktaśītalam pittaraktavraṇān hanti jvaradāhatṛṣāpaham karcūro gandhamūlaśca drāviḍaṃ kārśa eva ca vedhamukhyo durlabhaśca kasyacit saṃmataḥ śaṭī karcūraḥ kaṭutiktoṣṇo rucyo vātabalāsajit dīpanaḥ plīhagulmārśaḥśamanaḥ kuṣṭhakāsahā manaḥśilā manoguptā manohvā kunaṭī śilā manojñā nāgajihvā ca golā nepālikā kalā manaḥśilā kaṭustiktā tathoṣṇā viṣanāśanī bhūtāveśabhayaṃ hanti pralepatilakādibhiḥ sindūraṃ raktareṇuśca nāgagarbhaṃ ca nāgajam śṛṅgārabhūṣaṇaṃ śrīmad vasantotsavamaṃḍanam sindūram uṣṇakaṭukaṃ viṣaduṣṭavraṇāpaham tvagdoṣakuṣṭhavīsarpajīrṇajvaraharaṃ param mahāgiriṣu cālpīyān pāṣāṇāntaḥ sthito rasaḥ śuṣkaḥ śoṇaḥ sa nirdiṣṭo girisindūrasaṃjñakaḥ tridoṣaśamanaṃ bhedi rasabandhanam agnidam dehalohakaraṃ netryaṃ girisindūram īritam saurāṣṭrī cāmṛtāsaṅgā kāṅkṣī kākṣī surāṣṭrajā ajitā tuvarī stutyā mṛtsā mṛtsnā mṛtālakam kāṅkṣī kaṭukaṣāyā syāt keśyā caiva viṣāpahā kaṇḍūvisarpaśvitrāṇāṃ nāśanī vraṇaropanī gandhako gandhapāṣāṇo lelīto gandhamādanaḥ pūtigandho balivatsā gandhāśmā dhātuhā balī gandhakaḥ kaṭutiktoṣṇas tīvragandho 'tigandhakṛt viṣaghnaḥ kuṣṭhakaṇḍūtikacchūtvagdoṣanāśanaḥ vaṭasaugandhiko gandho gandhako gandhamādanaḥ lelīno gandhapāṣāṇaḥ lelītaśca nikṛntanaḥ tvagdoṣakuṣṭhavīsarpalohasaṃhārisūtahā rasāyanavaro hyeṣa kaṭūṣṇo gandhako mataḥ mācikā prathitāmbaṣṭhā tathāmbāmbālikāmbikā ambaṣṭhakā kaṣāyā ca sā proktā mukhavācikā ambikā tu rase tiktā tathoṣṇā kaphanāśanī arśoghnī śvayathūtthānaparipanthitayā smṛtā sikthakaṃ madhukaṃ sikthaṃ madhūcchiṣṭaṃ madhūtthitam madhuśeṣaṃ madanakaṃ madhujaṃ mākṣikāśrayam sikthakaṃ snigdhamadhuraṃ bhūtaghnaṃ bhagnasaṃdhikṛt hanti vīsarpakaṇḍvādīn vraṇaropaṇamuttamam bhedanaṃ picchilaṃ svādu kuṣṭhavātāsrajinmṛdu rālaḥ sarjarasaḥ śālaḥ kṣaṇaḥ kalakalodbhavaḥ lalanaḥ śālaniryāso yakṣadhūpo'gnivallabhaḥ rālaḥ svāduḥ kaṣāyoṣṇaḥ stambhano vraṇaropaṇaḥ viṣādibhūtahantā ca bhagnasaṃdhānakṛt yataḥ kāsīsaṃ dhātukāsīsaṃ kesaraṃ taptalomaśam kāsīsaṃ tu kaṣāyoṣṇamamlaṃ vātabalāsajit viṣanetrarujaḥ śvitraṃ hanti kuṣṭhavraṇānapi dvitīyaṃ puṣpakāsīsaṃ vatsakaṃ ca malīmasam hrasvaṃ netrauṣadhaṃ yojyaṃ viṣadaṃ nīlamṛttikā puṣpādikāsīsam atipraśastaṃ soṣṇaṃ kaṣāyāmlamatīva netryam viṣānalaśleṣmagadavraṇaghnaṃ śvitrakṣayaghnaṃ kacarañjanaṃ ca gugguluḥ kālaniryāso jaṭāyuḥ kauśikaḥ puraḥ naktaṃcaraḥ śivā durgā mahiṣākṣaḥ palaṃkaṣaḥ gugguluḥ picchilaḥ proktaḥ kaṭustiktaḥ kaṣāyavān varṇyaḥ svaryo laghuḥ sūkṣmo rūkṣo vātabalāsajit kunduruḥ syāt kundurukaḥ śikharī kundragopuraḥ sukundras tīkṣṇagandhaśca pālindo bhīṣaṇo balī kunduruḥ kaṭukas tikto vātaśleṣmamalāpahaḥ pāne lepe ca śiśiraḥ pradarāmayaśāntikṛt śrīveṣṭako dhūpavṛkṣaḥ kṣīraśīrṣaḥ kharadrumaḥ śrīvāsaḥ pāyasaḥ śryāhvaḥ kṣīrasrāvastathā dadhi śrīveṣṭaḥ svādutiktastu kaṣāyo vraṇaropaṇaḥ kaphapittāsrajān hanti grahaghnaḥ śīrṣaroganut śallakī vallakī hlādā surabhiḥ susravā ca sā aśvamūtrī kundurukī gajabhakṣā maheraṇā śallakī syātkaṣāyātiśītā vīrye prakīrtitā balāsaṃ hanti pittasya prakopaśamanī matā kampillako'tha raktāṅgo recī recanakastathā rañjano lohitāṅgaśca kampillo raktacūrṇakaḥ kampillako virecī syātkaṭūṣṇo vraṇanāśanaḥ gulmodaravibandhādhmānaśleṣmakrimivināśanaḥ kaṅkuṣṭhaṃ kālakuṣṭhaṃ ca viraṅgaṃ raṅganāyakam recakaṃ pulakaṃ hrāsaṃ śodhanaṃ kālapālakam kaṅkuṣṭhaṃ tiktakaṭukaṃ vīrye coṣṇaṃ prakīrtitam gulmodāvartaśūlaghnaṃ rasarañjaṃ vraṇāpaham bhallātakaḥ smṛto'ruṣko dahanastapano'gnikaḥ aruṣkaro vīratarurbhallāto'gnimukho dhanuḥ bhallātaḥ kaṭutiktoṣṇo madhuraḥ kṛmināśanaḥ gulmārśograhaṇīkuṣṭhān hanti vātakaphāmayān tutthaṃ karparikātutthamamṛtāsaṅgameva ca mayūragrīvakaṃ cānyacchitikaṇṭhaṃ ca tutthakam dvitīyaṃ karparītutthaṃ karparītutthakaṃ tathā netranairmalyakāri syāttattutthamamṛtopamam tutthakaṃ dṛṣṭirogaghnaṃ śītaṃ śvitravināśanam viṣavegapraśamanaṃ praśastaṃ kathyate budhaiḥ hemamākṣikam āvartaṃ tāpījaṃ dhātumākṣikam tāpyaṃ ca mākṣikaṃ dhātu madhudhātu vinirdiśet mākṣikaṃ kaṭutiktoṣṇaṃ rasāyanamanuttamam bastirogaharaṃ hanyādarśaḥśophodarakṣayān tridoṣaśamanaṃ vṛṣyaṃ cakṣuṣyaṃ ca viṣāpaham mandānalatvaṃ balahānimugrāṃ viṣṭambhatāṃ netrarujaṃ ca kuṣṭham karoti mālāṃ vraṇapūrvikāṃ ca mākṣīkadhāturgururapyapakvaḥ añjanaṃ mecakaṃ kṛṣṇaṃ sauvīraṃ ca suvīrajam kapotaṃ yāmuneyaṃ ca srotojaṃ sāritaṃ tathā sauvīramañjanaṃ proktamatyantaṃ śiśiraṃ budhaiḥ viṣahidhmāvikāraghnam akṣirogaviṣāpaham samudraphenaṃ phenaṃ ca śuṣkāśuṣkaṃ payodhijam vidyād udadhiphenaṃ ca proktaṃ sāgarajaṃ malam samudraphenaṃ śiśiraṃ karṇapākanivāraṇam lekhanaṃ netrarogāṇāṃ himaṃ viṣavināśanam cakṣuṣyaṃ raktapittaghnaṃ gulmaplīhaharaṃ smṛtam cakṣuṣyā dṛkprasādā ca saiva proktā kulatthikā kulālī locanahitā kumbhakārī malāpahā himā proktā kaṣāyā ca viṣaṃ sthāvarajaṅgamam nihanti yojitā samyaṅ netrasrāvān anekaśaḥ sā ca visphoṭakaṇḍvartivraṇadoṣanibarhaṇī rasāñjanaṃ tārkṣyaśailaṃ rasajātaṃ rasodbhavam rasagarbhaṃ rasāgryaṃ ca dārvīkvāthasamudbhavam rasāñjanaṃ himaṃ tiktaṃ raktapittakaphāpaham hidhmāśvāsaharaṃ varṇyaṃ rogaviṣāpaham puṣpāñjanaṃ puṣpaketuḥ kausumaṃ kusumāñjanam rītijaṃ rītikusumaṃ rītipuṣpaṃ ca pauṣpikam puṣpāñjanaṃ himaṃ hanti hikkām atyantadustarām akṣirogacayaṃ hanyādviṣaṃ nirviṣatāṃ nayet śilājatu syād atithi śaileyaṃ girijāśmajam jatvaśmajaṃ cāśmajatu proktaṃ dhātujamadrijam śilājatu bhavettiktaṃ kaṭūṣṇaṃ ca rasāyanam mehonmādāśmarīśophakuṣṭhāpasmāranāśanam kṣayaśophodarārśāṃsi hanti bastirujo jayet gairikaṃ raktadhātu syāt tāmradhātu gavedhukam pāṣāṇagairikaṃ caiva dvitīyaṃ svarṇagairikam pāṣāṇagairikaṃ proktaṃ kaṭhinaṃ tāmravarṇakam viśado gairikaḥ snigdhaḥ kaṣāyo madhuro himaḥ cakṣuṣyo raktapittaghnaśchardihidhmāviṣāpahaḥ suvarṇagairikaṃ cānyat tato raktarajo viduḥ atyantaṃ śoṇitaṃ snigdhaṃ masṛṇaṃ svarṇagairikam svādu snigdhaṃ himaṃ netryaṃ kaṣāyaṃ raktapittajit hidhmāvamiviṣaghnaṃ ca raktaghnaṃ svarṇagairikam katakaṃ chedanīyaṃ ca kataṃ kataphalaṃ matam ambuprasādanaphalaṃ ślakṣṇaṃ netravikārajit katakaṃ śītalaṃ prāhustṛṣṇāviṣavināśanam netrottharogavidhvaṃsi vidhināñjanayogataḥ katakasya phalaṃ tiktaṃ cakṣuṣyaṃ śītalaṃ mṛdu vāriprasādanaṃ kṛcchraśarkarāmaśmarīṃ jayet lodhro rodhraḥ śābarakastilvakastilakastaruḥ tirīṭakaḥ kāṇḍahīno bhillī śambarapādapaḥ lodhraḥ śītaḥ kaṣāyaśca hanti tṛṣṇāmarocakam viṣavidhvaṃsanaḥ prokto rūkṣo grāhī kaphāpahaḥ kramukaḥ paṭṭikāroghno valkalaḥ sthūlavalkalaḥ jīrṇaparṇo bṛhatparṇaḥ paṭṭī lākṣāprasādanaḥ lodhrayugmaṃ kaṣāyaṃ syāt śītaṃ vātakaphāsrajit cakṣuṣyaṃ viṣahṛttatra viśiṣṭo valkalodhrakaḥ śaṅkho vāribhavaḥ kamburjalado dīrghanisvanaḥ susvaro dīrghanādaśca dhavalaḥ śrīvibhūṣaṇaḥ śaṅkhaḥ svāduḥ kaṭuḥ pāke vīrye coṣṇaḥ prakīrtitaḥ pariṇāmaṃ jayecchūlaṃ cakṣuṣyo raktapittajit candanādiriyaṃ vargas tṛtīyaparikīrtitaḥ śrīmatāṃ bhoginām arhaḥ prāyo gandhaguṇāśrayaḥ suvarṇaṃ kanakaṃ rukmaṃ śātakumbhaṃ ca kāñcanam jāmbūnadaṃ jātarūpaṃ hiraṇyaṃ hema hāṭakam cāmīkaraṃ cāruratnaṃ tapanīyaṃ ca pītakam śrīketanaṃ bhūṣaṇārhaṃ cārurūpaṃ ca tatsmṛtam vīryaṃ vidhatte harate ca rogān karoti saukhyaṃ prabalendriyatvam śukrasya śuddhiṃ balavarṇavīryamojaśca puṣṭiṃ pradadāti hema balaṃ ca vīryaṃ harate narāṇāṃ rogavrajān poṣayatīha kāye asaukhyadaṃ tacca sadaivamevaṃ rukmaṃ sadoṣaṃ maraṇaṃ karoti raupyaṃ saudhaṃ sitaṃ tāraṃ rajataṃ taptarūpam śubhraṃ kupyaṃ vasuśreṣṭhaṃ ruciraṃ śvetakaṃ matam candrahāsaṃ candravapuścandrabhūti mahāvasu vākyalaṃ śreṣṭhamicchanti raśmijālaṃ tathāparam tāraṃ ca tārayati rogasamudrapāraṃ dehasya saukhyakaraṇaṃ palitaṃ valiṃ ca varṇyaṃ viṣaghnamamalaṃ harati prasahya vṛṣyaṃ punarnavakaraṃ kurute cirāyuḥ apakvatāraṃ prakaroti tāpaṃ viḍbandhanaṃ yacchati śukranāśam apāṭavaṃ vīryabalaprahāṇiṃ mahāgadānpoṣayati prasiddham tāmraṃ mlecchamukhaṃ śulvaṃ raktakaṃ raktadhātukam udumbaraṃ tryambakaṃ ca vidyāttvāṣṭraṃ ca nāmataḥ gulmaṃ ca kuṣṭhaṃ ca gudāmayaṃ ca śūlāni śophodarapāṇḍurogān utkleśabhedabhramamohadāhān nihanti samyaṅmṛtameva śulvam śulvaṃ tanau nayati śeṣamaśeṣadhātūn rogān karoti vividhāṃśca nihanti kāntim kuṣṭhaṃ rujaṃ ca viṣamaṃ kurute viśeṣāt pākena hīnamiha vāntivirekakāri hantyāyur uccaiḥ kurute'titāpaṃ mūrcchāṃ vidhatte harate ca śukram nānāgadānāṃ ca sahāyakartāśuddhaśca śulvo'tra ca jīvahartā trapu trapukamānīlaṃ raṅgaṃ vaṅgaṃ ca piccaṭam guruśreṣṭhaṃ salavaṇaṃ suraṭī nīlikā ghanam trapu satiktamuṣṇaṃ ca rūkṣaṃ śleṣmavighātakṛt pittaprakopaśamanaṃ vikāraṃ kṛmijaṃ jayet pākena hīnau khalu nāgavaṅgau duṣṭāni gulmāni tathā vikoṣṭham pāṇḍupramohāpacivātaśophabhagandaraśvitrakilāsakuṣṭham mehāśmarīvidradhimukhyarogān atīva nityaṃ kurute balādau viṣopamau raktavikāravṛndaṃ kṣayaṃ ca kṛcchrāṇi kaphajvaraṃ ca rītikā kākatuṇḍī ca dvividhaṃ pittalaṃ bhavet rītistu lohakaḥ piṅgaḥ kapilohaṃ suvarṇakam āraṃ saiṃhalakaścaiva niṣṭhuro dārukaṇṭakaḥ rājarītiḥ smṛtā rājñī rājaputrī maheśvarī brahmāṇī brahmarītiśca kapilā piṅgalāpi ca rītidvayaṃ sakalapāṇḍusamīraṇaghnaṃ rūkṣaṃ saraṃ kṛmiharaṃ lavaṇaṃ viṣaghnam vṛṣyaṃ valīpalitanāśanam ugram āyurvṛddhiṃ karoti sahasā ca rasāyanāgryam sīsakaṃ nāgamuragaṃ kṛṣṇoragabhujaṅgamāḥ yavaneṣṭaṃ viśiṣṭaṃ ca yogīṣṭaṃ cīrapiṣṭakam nāgo hi nāgasamameva balaṃ dadāti vyādhīn vināśayati cāyuralaṃ karoti sadyo vivardhayati so'pi pradhānadhātuṃ mṛtyuṃ nivārayati cāpi bhujaṅgarājaḥ kāṃsyaṃ lohaṃ nijaṃ ghoṣaṃ prakāśaṃ kāṃsyakaṃ balam ghoṣapuṣpaṃ ca paṭhitaṃ śabdaiḥ paryāyavācakaiḥ kāṃsyaṃ tiktoṣṇarūkṣaṃ ca laghu lekhi prakīrtitam añjanādiprayuktaṃ ca divyadṛṣṭipradāyakam lohaṃ śastraṃ ghanaṃ piṇḍaṃ tīkṣṇaṃ pāraśavaṃ śivam ayaḥ kṛṣṇāyasaṃ vīraṃ bhramaraṃ kṛṣṇalohakam muṇḍaṃ tīkṣṇaṃ ca kāntaṃ ca triprakāramayaḥ smṛtam mṛdu kaṇṭaṃ kaḍāraṃ ca trividhaṃ muṇḍamucyate kharasāraṃ ca hartālaṃ tālaṃ ballaṃ ca vajjaram kālalohābhidhānaṃ ca ṣaḍvidhaṃ tīkṣṇamucyate bhrāmaraṃ cumbakaṃ caiva rañjakālocakaṃ tathā evaṃ caturvidhaṃ kāntaṃ romakāntaṃ ca pañcamam kaṣāyaṃ śophaśūlārśaḥkuṣṭhapāṇḍupramehajit lohaṃ tiktoṣṇarūkṣaṃ syāt pāṇḍurogaharaṃ param kaphapittāpahaṃ puṃsāṃ rasāyanamanuttamam doṣakāri gadakāri cāyasaṃ cedaśuddham asusaṃskṛtaṃ dhruvam pāṭavaṃ na tanute śarīrake dāruṇāṃ hṛdi rujaṃ karoti ca vartalohaṃ vaṭṭalohaṃ vartakaṃ lohameva ca vartulohaṃ ca vikhyātaṃ pañcalohaṃ ca nīlikā vartalohaṃ himaṃ vidyādamlaṃ kaṭukameva ca rūkṣaṃ kaphavikāraghnaṃ hanyāt pittodbhavā rujaḥ lohocchiṣṭaṃ ca maṇḍūraṃ kiṭṭaṃ caiva malodbhavam lohotthaṃ lohaniryāsam ayaḥśiṣṭaṃ ca kīrtitam āmavātaharaṇaṃ ca śobhanaṃ pāṇḍumehagadanāśanāgrajam duṣṭakuṣṭhapavanāsravātajit syājjarākṛtavalīvināśanam pārado rudraretaśca rasalohaṃ mahārasam rasendraṃ capalaṃ sūtaṃ pāradīyaṃ rasottamam pāradaḥ kṛmikuṣṭhaghnaṃ āyuṣyo dṛṣṭidaḥ paraḥ subalyaḥ sakaṣāyaśca mūrchito'sau gadāpahaḥ saṃskārahīnaṃ khalu sūtarājaṃ seveta yastasya karoti bādhām dehasya nāśaṃ vidadhāti nūnaṃ kuṣṭhādidoṣāñjanayennarāṇām hiṅgulaṃ daradaṃ mlecchaṃ hiṅgūlaṃ cūrṇapāradam maṇirāgakaraṃ cānyannāmnā carmānurañjanam hiṅgulaṃ kaṭukaṃ pāke vīrye coṣṇaṃ prakīrtitam viṣakuṣṭhavisarpāditvagdoṣadalanaṃ smṛtam hiṅgulaṃ madhuraṃ tiktam uṣṇaṃ vātakaphāpaham tridoṣadvandvadoṣotthaṃ jvaraṃ harati sevitam vaikrāntaṃ krāntasaṃjñaṃ syād vajro bhūmirajastathā gonasaṃ kṣudrakuliśaṃ jīrṇavajraṃ tu vajrakam tattu saptavidhaṃ proktam anekakarmakārakam ṣaṭkoṇaṃ tīkṣṇadhāraṃ ca svacchamindradhanuśchavi taduttamaṃ tu vaikrāntaṃ hitaṃ proktaṃ rasāyane mehaṣāṇḍhyāśuvārdhakyakṣayagrahaṇikāsajit vṛṣyo rasāyano balyo vaikrānto vahnidīpanaḥ āyuṣpradaśca balavarṇakaro'tivṛṣyaḥ prajñāpradaḥ sakaladoṣagaṇāpahārī dīptāgnikṛtpavisamānaguṇastarasvī vaikrāntakaḥ khalu vapurbalalohakārī aśuddhavajraṃ guru pāṇḍutāpahṛtpārśvapīḍārucikuṣṭhakāri śuddhaṃ mṛtaṃ saukhyabalapradaṃ syād vaikrāntabhasmāpi rasāyanaṃ ca gārutmataṃ marakataṃ rauhiṇeyaṃ harinmaṇi sauparṇaṃ garuḍodgīrṇaṃ budharatnāśmagarbhajam garalārir vāyavālaṃ gāruḍaṃ rudrasaṃmitam rauhiṇeyaṃ viṣaghnaṃ ca śītalaṃ madhuraṃ rase amlapittaharaṃ vṛṣyaṃ puṣṭidaṃ bhūtanāśanam hīrakaṃ bhiduraṃ vajraṃ sadratnamaśaniḥ paviḥ sūcivaktraṃ varāhaṃ ca kuliśaṃ bhārgavaṃ smṛtam abhedyamaśiraṃ ratnaṃ dṛḍhaṃ bhārgavakaṃ smṛtam ṣaṭkoṇaṃ bahudhāraṃ ca śatakoṭyabdhibhūmijam rujāṃ samūhaṃ harate narāṇāṃ balaṃ surūpaṃ vidadhāti yuktyā dehasya saukhyaṃ ca sadā karoti ciraṃ tathāyuḥ palitaṃ ca hanti āyuṣpradaṃ jhaṭiti sadguṇadaṃ ca vṛṣyaṃ doṣatrayapraśamanaṃ sakalāmayaghnam sūtendrabandhavadhasadguṇakṛt pradīpaṃ mṛtyuñjayaṃ tadamṛtopamameva vajram pīḍāṃ vidhatte vividhāṃ narāṇāṃ kuṣṭhaṃ kṣayaṃ pāṇḍugadaṃ ca duṣṭam hṛtpārśvapīḍāṃ kurute'tikṛcchrām aśuddhavajraṃ gurutāpakāri rājāvartaśca rājā ca nīlāśmā tu nṛpopalaḥ suvarṇadhātū rājādrī rājaprastara eva ca rājāvartaḥ kaṭuḥ snigdhaḥ śiśiraḥ pittanāśanaḥ saubhāgyaṃ kurute nṛṇāṃ bhūṣaṇeṣu prayojitaḥ mauktikaṃ śuktijaṃ sphoṭaśuktijaṃ śuktisaṃbhavam bhūṣaṇārhatamaṃ śreṣṭhaṃ śauktikaṃ bhautikaṃ tathā mauktikaṃ madhuraṃ śītaṃ saraṃ dṛṣṭibhavaṃ gadam unmūlayati pittaṃ ca hārāliṅgena dāhahṛt pravālaṃ vidrumaṃ raktaṃ bhūṣaṇārhaṃ suvallijam samudrajaṃ mahāraktaṃ vallīpāṣāṇasambhavam pakvabimbīphalacchāyaṃ vṛttāyatam avakrakam snigdhamavraṇakaṃ sthūlaṃ pravālaṃ saptadhā śubham pāṇḍuraṃ dhūsaraṃ rūkṣaṃ savraṇaṃ kaṇḍarānvitam nirbhāraṃ śubhravarṇaṃ ca neṣyate saptadhā tvidam pravālakaṃ saraṃ śītaṃ kaphapittādidoṣanut dṛṣṭidoṣavighātāya viṣanāśāya ceṣyate