Bhadrabāhucarita

The Digital Corpus of Sanskrit (DCS), Oliver Hellwig

sadbodhabhānunā bhittvā janānām antaraṃ tamaḥ yaḥ sanmatitvam āpannaḥ sanmatiḥ sanmatiṃ kriyāt vṛṣabhaṃ vṛṣabhaṃ vande vṛṣabhāṅkaṃ vṛṣārcitam vṛṣatīrthapraṇetāram bhettāraṃ karmavidviṣām parameṣṭhipadāptānām parameṣṭhipadāptaye parameṣṭhipadau vande satyaṃ ca parameṣṭhinam ārh…

Provenance ledger

3 entries

Canonkavyatextual
AttributionThe Digital Corpus of Sanskrit (DCS), Oliver Hellwigtextual
SourceUpstream TEI document · san · Latnpublished primary

IIText

san

sadbodhabhānunā bhittvā janānām antaraṃ tamaḥ yaḥ sanmatitvam āpannaḥ sanmatiḥ sanmatiṃ kriyāt vṛṣabhaṃ vṛṣabhaṃ vande vṛṣabhāṅkaṃ vṛṣārcitam vṛṣatīrthapraṇetāram bhettāraṃ karmavidviṣām parameṣṭhipadāptānām parameṣṭhipadāptaye parameṣṭhipadau vande satyaṃ ca parameṣṭhinam ārhatī bhāratī pūjyā lokālokapradīpikā rajo vidhūya no nityaṃ tanotu vimalām matim sveṣṭārthasiddhikaraṇāś caraṇāḥ santu gauravāḥ gauravāptāḥ sucaraṇais taraṇair me bhavāmbudheḥ śaktyā hīno 'pi vakṣye 'haṃ gurubhaktyā praṇoditaḥ śrībhadrabāhucaritam yathā jñātaṃ gurūktitaḥ yacchrutaṃ mugdhabuddhīnām mithyāmohamahātamaḥ dhunute tanute śuddhajainamārge 'malāṃ matim athātra bhārate varṣe viṣaye magadhābhidhe puraṃ rājagṛhaṃ bhāti puraṃdarapuropamam natāśeṣanṛpaśreṇiḥ śreṇikaḥ śreyasāṃ nidhiḥ bhāvukaḥ pālakas tasya celanī mahiṣīśitā ekadāsau viśāṃ nātho viditvā vanapālataḥ vipulādrau mahāvīrasamavasṛtim āgatām parānandathum āpanno 'caladdevaṃ vivandiṣuḥ tauryatrikavarārāvabadhirīkṛtadiṅmukhaḥ nirīkṣya surasaṃsevyaṃ kevalojjvalarociṣam nutvā natvā samabhyarcya tasthivān narasaṃsidi dvidhādharmaṃ jinodgītam aśrāvīt praśrayānvitaḥ praṇipatya tato 'prākṣīt karau mukulayan nṛpaḥ devātra duḥṣame kāle kevalaśrutabodhakaḥ kiyanto 'gre bhaviṣyanti kiṃ kiṃ cāto bhaviṣyati śrutvā tadīyaṃ vyavahāraṃ vyājahāra girāṃ patiḥ gambhīraghananirghoṣair modayan bhavyakekinaḥ mayi muktim ite rājan gautamākhyaḥ sudharmavāk jambūnāmā bhaviṣyati trayo 'mī kevalekṣaṇāḥ

Cite this

Notice an error, a missing source, or a date that should be revised? Suggest a correction. Every amendment enters the scholar moderation queue with the contributor cited.

URN · urn:vamshanidhi:scripture:01KTKE7HP4H70WJ65B4A13VPE1