Agastīyaratnaparīkṣā

pañca ratnāni mukhyāni coparatnacatuṣṭayam likhyante cātra saṃbhidya yathāmaulyaṃ yathāguṇam vajraṃ ca mauktikaṃ caiva māṇikyaṃ nīlam eva ca maṇir marakataś caiva mahāratnāni pañcadhā uparatnāni catvāri kathayāmi śṛṇuta tat gomedaṃ puṣyarāgaṃ ca vaiḍūryaṃ ca pravālakam vajraṃ…

1. AttributionThe Digital Corpus of Sanskrit (DCS), Oliver Hellwigtextual
2. SourceUpstream TEI document · san · Latnpublished primary

pañca ratnāni mukhyāni coparatnacatuṣṭayam likhyante cātra saṃbhidya yathāmaulyaṃ yathāguṇam vajraṃ ca mauktikaṃ caiva māṇikyaṃ nīlam eva ca maṇir marakataś caiva mahāratnāni pañcadhā uparatnāni catvāri kathayāmi śṛṇuta tat gomedaṃ puṣyarāgaṃ ca vaiḍūryaṃ ca pravālakam vajraṃ ca mauktikaṃ śvetaṃ māṇikyaṃ lohitaṃ viduḥ nīlaṃ nīlaṃ samākhyātaṃ marakataṃ haritaṃ hitam śvetaṃ pītaṃ ca gomedaṃ puṣyarāgaṃ ca piñjaram pravālaṃ lohitaṃ proktaṃ vaiḍūryaṃ haritapāṇḍuram kośale ca kaliṅge ca magadhe ca himālaye pauṇḍrākare ca saurāṣṭre vajrasyotpattibhūmayaḥ ratnānām uttamaṃ vajraṃ yo bibharti narottamaḥ uttamaṃ sarvasattvānāṃ yathā śakras tathaiva saḥ abhedyaṃ ca tathādāhyam aśoṣyākledyam eva ca yathaivātmā tathā vajraṃ tasmān maulyaṃ samarpayet doṣā guṇāḥ sapta kīrtitā ratnakovidaiḥ uttamādhamamadhyānāṃ maulyaṃ dvādaśakam malaṃ bindur yavo rekhā veṣagyam kākapādavat doṣāḥ pañca parityajyā nānāduḥkhaphalapradāḥ tuṅgaṃ vajraṃ praśaṃsanti ṣaṭkoṇaṃ laghu bhāskaram sutīkṣṇadhāram aṣṭāśraṃ sarvato raśmicikkaṇam akālamṛtyusarpāgniśatruvyādhibhayāni ca dūrāt tasya praṇaśyanti vajraṃ yasya gṛhe bhavet nirdoṣe yavamātre tu sarvataḥ kāntisaṃghṛte pañcāśad bhavati maulyaṃ ratnaśāstre hy udāhṛtam piṇḍato dviguṇasthaulyaṃ taulyaṃ caiva yadā bhavet caturguṇaṃ bhaven mūlyaṃ triguṇe tv aṣṭamaṃ yathā śveto raktas tathā pītaḥ kṛṣṇaś ca kuliśo bhavet brāhmaṇādikrameṇaiva jātibhedas tu kalpitaḥ uttamaṃ brāhmaṇe maulyaṃ madhyamaṃ kṣatriye tathā sāmānyam vaiśyavarṇe ca adhamaṃ śūdrajanmani yan maulyaṃ brāhmaṇe proktam pādonaṃ kṣatriye smṛtam anenaiva kramenaiva hīyate ca yathākramam vajram ca trividhaṃ proktaṃ naro narī napuṃsakam aṣṭāśraṃ cāṣṭaphalakaṃ ṣaṭkoṇaṃ caiva bhāskaram arbudendradhanur vāritaraṃ puṃvajram ucyate tad eva cet pītākāraṃ strīvajraṃ vartulāya ca vartulaṃ kuṇṭhakoṇāśraṃ kiṃcid uru napuṃsakam strīpuṃnapuṃsakaṃ vajraṃ yojyaṃ puṃstrīnapuṃsakaiḥ tyajyaṃ syān naiva phaladaṃ puṃvajreṇa vinā kvacit brahmakṣatriyaviṭśūdrasvasvavarṇaphalapradam kṛtrimatvaṃ yathā vajre kathyate sūribhiḥ kvacit kṣārāmlair lepayed vajraṃ gharme ca pariśodhayet kṛtrimaṃ yāti vaivarṇyam sahajaṃ cātidīpyate varṇapiṇḍagurutvāni tuṭivṛddhikrameṇa tu sarvatra vardhate maulyaṃ guṇadoṣasvabhāvataḥ māhendro yaṃ maṇir dhāryo dhanadhānyasamṛddhidaḥ putradaḥ pavanaḥ pūjyaḥ śatrughnaḥ samarābhayaḥ gurviṇībhir na dhartavyo yuvatībhir ayam maṇiḥ jaṭhare vajrasaṃsargād garbhāśravo bhaviṣyati jīmūtakarimatsyāhivaṃśaśaṅkhavarāhajāḥ śuktyudbhavāś ca vijñeyāś cāṣṭau mauktikajātayaḥ jīmūte śucirūpaṃ syāt kare pāṭalabhāsuram hariśvetaṃ tathā vaṃśe pītaśvetaṃ ca śūkare śaṅkhaśuktyudbhavaṃ śvetam muktāratnam anukramam rāgas trāsaś ca binduś ca rekhā ca jalagarbhatā sarvaratneṣv amī pañca doṣāḥ sādhāraṇā matāḥ kṣetratoyabhavā doṣā ratneṣu na laganti te hari śvetaṃ laghu snigdhaṃ raśmivan nirmalaṃ mahat khyātam toyaprabhaṃ vṛttaṃ mauktikaṃ navadhā śubham sukṣmāṅgam nirmalaśyāmam tāmrābhaṃ lavaṇopamam ardhaṃ ca vikaṭam granthikaṃ mauktikaṃ tyajet yāvan mūlyam sitasyātra muktāratnasya kīrtitam caturthāṃśavihīnaṃ ca kartavyam ratnake maṇau badarīphalamātraṃ tu uditārkasamaprabham tad ratnaṃ liktada proktaṃ bhuktimuktiphalapradam sacchidraṃ karkaśaṃ kṣaudraṃ raktābhaṃ ca sabindukam malinaṃ niṣprabhaṃ citraṃ bhagnam tu mauktikaṃ tyajet svacchābhaṃ ca suvṛttaṃ ca guru snigdhaṃ ca nirmalam tuṅgam indusamābhāsaṃ muktāratnam amaulyakam śvetavarṇo bhaved vipraḥ kṣatriyaś cārkasaṃnibhaḥ pītacchāyo bhaved vaiśyaḥ śūdrarucir bhavet [... au3 Zeichenjh] rājyasampatsutān saukhyaṃ gajavājipuraḥsaram prāpnoty eva sajātiḥ syād gṛhe nirdoṣaśaṅkhajam suvṛttaṃ suprabhaṃ śvetaṃ guñjāmātram anardhi ca pañcaviṃśatimaulyaṃ ca ratnaśāstre hy udāhṛtam yathā ca vardhate muktā tathā maulyaṃ ca vardhate kṣīyate ca yathā muktā tathā maulyaṃ hi hīyate guñjānāṃ catuḥṣaṣṭyā bhāreṇa ca mitaṃ ca tat uttamaṃ mauktikaṃ tamru koṭimūlyasya bhājanam mauktike yadi saṃdehaḥ kṛtrime sahaje 'pi vā parīkṣā tatra kartavyā ratnaśāstraviśāradaiḥ svedayed agninā vāpi śvetavastreṇa veṣṭayet haste mauktikam ādāya śālituṣyena mardayet kṛtrimaṃ bhaṅgam āyāti sahajaṃ cātidīpyate