san · Latn · ed. Arlo Griffiths, Vincent Tournier
1 * jayati śāsanam apratimaśriyaḥ paramakāruṇikasya mahāmu neḥ niravaśeṣajagaddhitakāriṇi sthitam ananyasame śamavartmani svasti śrī vijayanandivarddhanavāsakād devadvijagurucaraṇa samārādhanādhigataniratiśayapuṇyanicayasya saka ladiṅmaṇḍalālaṁkārabhūtayaśasaḥ śrīprabhākaravikhyāta mahārājasya sūnuḥ mātāpitr̥pādānuddhyātaḥ śrutismr̥ tivihitapadārtthāvabodhajanitaprajñāvivekaniravagītā nupālitāśeṣavarṇṇāśramadharmmaḥ parānugrahamātrapratipa 2 nnaiśvaryagurubhāro nekacaturddantasamarasaṁghaṭṭavijayī satatagobhūmihiraṇyakanyādānādibhis saphalikr̥tajīvitopa bhoga ḥ paramamāheśvaraḥ paramabrahmaṇyaḥ śrīmān pr̥thivi śrīmūlārājaḥ svaviṣayavāsinaḥ sarvvān evam ājñāpayati yathā viditam astu bhavatām· mayātmīyapriyatanayānugrahārttham· tāṇḍikoṇḍe tatpratiṣṭhāpitaśākyabhikṣumahāvihārani vāsinaḥ cāturddiśāryyavarabhikṣusaṁghasya cīvarapiṇḍapāta śayyāsanaglānapratyayabhaiṣajyapariṣkāropabhogāya 3 tāḻupākaviṣaye tāṇḍikoṇḍacurppāḍuppuḷa velkoṇḍa kurikiArṭṭaluvuḷakaṁsāryyanāmadheyagrāmāṇāṁ maddhye taṁgodunaruvakṣetraṁ Aparaśailanivāsinan navakarmmikam adhiṣṭhāya sarvvabādhapari hāreṇa mayā dattaṁ punaś ca tāṇḍikoṇḍe hastivāryyāḥ pūrvvadigbhāge catvariṁśat· nivartta nā bhūmir ddattā punaś ca peruntoṭṭasahitā daśanivarttanā bhūmir ddattā tatra na kena cit paribādhā karaṇīyā bhavanti cātra manu gītā ślokāḥ nighnatām bhartr̥govipra bālayoṣittapasvinaḥ yā gatis s ā bhavet tasya harataś śāsanāṁkitām· tām eva rakṣato 4 yatnāt· nibodha kr̥tinaḥ phalam· nekakalpasahasrāṇi divi devais saha dīvyati bhūmidānāt paran dānaṁn na bhūtan na bhaviṣyati tasyaiva haraṇāt pāpaṁn na bhūtān na bhaviṣyati ṣaṣṭhiṁ varṣasahasāṇi svargge tiṣṭhati bhūmidaḥ Akṣeptā cānuma ntā ca tāny eva narake vaset· . bahubhir vvasudhā dattā bahubhi ś cānupālitā yasya yasya yadā bhūmis tasya tasya tadā phalam· vijayasaṁvatsare 40 3 śāsanam aṁkitam· . candrārkodadhayo yāvat· yāvac ceyaṁ vasundharā Ājñā śrīmūlarājasya tāvat pātu mahīm imām·